Jowai : Ki 13 tylli ki seiñbhalang yong ka Ri-Loom Jaintia wa kynthup ya ka JSU, KSU, HNPF, MPUF, RJYF, JSM, JNU, WJNC, CRJM, JYF,HYC wa kiwi kiwi da rai ki wow pynman da i lai paidbah wei wow rah lama yong ha ka 5 Duyatra, ha Jowai kam ka dak wow pyrchah joor hajrong i suki ka sorkar wow kyrriah kaam ya u Deputy Commissioner u Arunkumar Kembhavi wa u Additional Superintendent of Police u Ma Shemphang Syrti.
Ya kani ka rai wow lai paidbah chirup i rah lama yong da chim ha ka yalang kawa da pynman ha Yungwalieh ka dong Tpep Pale, Jowai.
Kam wow pynkynmoo heini, kini ki 13 seiñ da dawa ki na ka sorkar wow :
- E noh ko ya ki dawa ki khynnah ka KNGC.
- Kyrriah kaam (transfer) ya u DC, u Arunkumar Kembhavi wa ya u Addl. SP u ma Shemphang Syrti na kani ka Distrik.
- Wow su bailutsan cha ki khynnah kiwa mynsoo ha iwa da jia ha ka 10 tarik
- Wow pyndam noh ya ka FIR khlem booh kyndon pyrchah ki khynnah puræ la KNGC wa ki seiñbhalang.
Heijooh i por ki 13 seiñ da kyntu ki ya ki paidbah, ki manbei manpa, ki waheh chnong wa waroh kitu wa chah ktah kiwa mynsoo ha ka 10 u Khonchonglad wow em bynta lang ki ha kani ka yalang paidbah.
Discussion about this post