Dei rwai wa pyrtuid “Ram Aayenge” pynpoor u Modi chwa u wai noh yaka Ram Temple

I wai noh yaka Ram Temple kawa em ha Ayodhya haka 22 tarik uni u bnai da sdang chit bha ko ha kiwa boon ki bynta ka ri India wei ya kani ka Temple daw wan wai da u Prime Minister ka ri, u Narendra Modi heiwa ka chnong Ayodhya kawa em ha ka jylla Uttar Pradesh da pynriam da pynphooh pynphieñ ka kam chibynta katai ka sngi.

Neiliang kawa rwai kawa tip kam ka Swasti Mehul da chna ko ya iwi i rwai heiyatoh wa ini iwa da chna kyrpang wa da e pyrtuid “Ram Aayenge” neibynta u Ram uwa man kam u blai ki Hindu, iwa da ka-it hadooh da u Modi uwa da yaroh ya ini i rwai deiwa ong manda ap yeini i Bhajan ka Swasti du chisien leh da neh bait i hei chkoor chi slem wei da pyndap i yei khmat da ki umkhmat wei yei pyrkhat pyrdaiñ dei sñiaw lung.

Ini i sur wa da booh leh ha YouTube da yoh ki kamwa 3 lak sien wa pait ki hadien wa klam u Modi chaphang ini i sur ha ki Social Media.

I pynkhreh leh yow wai pynkyntang ya kani ka Ram Temple toh iwa da lai bha chakhmat deiwa dep khut sñiawbha ya ki hajar ngut ki bru na kylleiñ ka ri wow embynta lang ki.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

I leh niam daw sdang ko nadooh ka 16 tarik iwa man chi tayaaw chwa wow wai ya kani ka Temple kawa da sdang u chna ha u snem 2020.

Yei chna ya kani ka Temple da sdang hadien wa ka Supreme Court da rai ko wow e noh yeini i thaw cha ki Hindu iwa jooh em nachwa da ka Babri Masjid kawa da chah tympra ha ki Hindu ha u snem 1992 neidaw wa ngait ki Hindu wa ya kani ka Masjid da chna hei thaw wa tip kam i Ram Janmabhoomi iwa man leh i thaw wa kha ya u Ram.