Hawa kynreh Trading License pyn da ki waheh chnong wa mih kamtre ya ki yaki dukan bar jylla: CEM

U CEM ka JHADC u Thombor Shiwat hawa yeiñ u pynche ya ka Motion wa da wanrah da u Nehemaia Lamare hajrong i emkaam u thooh  ki laad ki luti neibynta u pynku ya ka yarong poisa ka Council, khana u wa neiliang ka Executive Committee da dep thung ko ya ka Acumen Committee ka wow pait bniah ha waroh ki chnat krehkaam ka Council hajrong kammon u pynmih poisa.

Sñiawngooh u leh wa kani ka Committee da ye pyndep ko yei kaam heiwa ka Executive Committee leh da mynjur ko, wei iwa sah sa du haka chnat Taxation neidaw wa em ka Bill wa sahteiñ.

Ong u wa waroh i kdaw ki MDC ka Liang Pyrchah ha kani ka sngi iwa yatoh wa kani ka Motion kammon yow pynmih poisa leh toh kiwa da em wei dadep leh ka Acumen Committee.

Hawa pynche won u hajrong i boon ki dukan baar jylla wym em ya ki Trading Licence hapoh Ri-loom Jaiñtia, u CEM pynsñiaw u i diaw wa boon da ki bru Pnar hi kiwa mih chakhmat u kamtre ya ki dukan baar jylla hawa em i kynreh Training License.

Related posts

Dohyap kiwa kreh Forest u thooh wei yarap ya u hati wa sakhut ka chaka Tractor ha rdang u

September 10, 2026

Chah yooh ka khynnah wa kyndeh ke hakhmat yung hadooh wa yap

September 10, 2026

Ong u wot da oo hi leh chem u wa hawa kylli u ya ki dukan baar jylla lada em Trading License hi ki, jubab ki wym em, wei heitæ wot hi jooh Phone ki cha kiwa kamtre tangwa manda yaklam u em ki thaw pyn da u waheh chnong hi wa klam wow ong wa toh ka dukan yong oo.

Chooh chooh ong u em ki dukan baar jylla wa khana ha oo wa ki waheh chnong ong ki ya ki wym boi lai su cha ka District Council tang wow su cha ki kam ki waheh chnong.

Heiyatoh weini u CEM kyntu u yaki paidbah ka Ri-loom Jaiñtia wow yakrehlang ki ha kawon kawon ka bynta khnang yow jop ya iwon iwon i eh.