Ki tre kari ha nongbah New Delhi ym yoh de ki wow thap phñiang ha ki Petrol Pump nadooh ka 18 tarik uni u December 2025 lada ym em ki ya ka Pollution Under Control (PUC) Certificate.
Ini toh kam chibynta wow yakhun ya ka la’ær wa manbih namo Air Pollution, heiwa u Delhi Environment Minister u Manjinder Singh Sirsa da pynbna u yeini ynne ka sngi deiwa ong wa ki paidbah da yoh por ki chi sngi wow pynkhreh ya kani ka PUC.
Da ong u wa hanla ha uni u snem da rap miat hawa nujor wa u snem wa da lai tangwa da ong won u wa ha kini ki sngi wa dep da man iwa cha palat ka Air Pollution wei ka sorkar leh ym yohsa de ko khlem da pynmih ya kani ka hukum.
Chooh chooh da ong wa kawa pynbna ynne man ko kam chibynta ka GRAP-IV kawa dang dep pynbna hadooh wa da khang ya ki Truck, ki Bus kiwa em Registration na baar wow psiah ki chapoh ka sorbah Delhi.
Kam wow kdaw heini ka Delhi da sakhi ko yei chah tymmoh ha u la’oh wa rben nadooh ki sngi wa dadep wei uni u la’oh toh uwa manbih uwa booh won hei maa ya ki paidbah khamtam i chait i khiah ki.
Ka PUC (Pollution Under Control) Certificate toh ka kot wa emkaam ha India wow pynsakhiat wa i tdem wa pynmih ki kari toh kiwa hapoh u pood (Permissible Limit) wa da booh ka sorkar wei pyntikna ko leh wa ki kari ym pynjakhlia ki ya ka mariang.
Ka PUC Certificate toh kawa da e da ki Authorised Center wa tipmit da ka sorkar heiwa emkaam leh ya ki kot kari kam ka Registration, Insurance, Fitness khnang wow lait na ka kuna wa heh.
Kani ka Certificate pyntikna ko leh wa da bood ya ki kyndon ka Motor Vehicles Act, heiwa da e ya ka cha waroh ki kari nadooh ki khian hadooh ki heh kamjooh ki thuk-thuk wei pyntikna ko leh wa i tdem wa pynmih ki kam ki Carbon Monoxide, Hydrocarbons, Nitrogen Oxides toh hapoh u pood wa da booh.
Ka bai leh ya ka PUC Certificate chong ko ha jar hiar ki thaw wa ki jylla heiwa da booh ya ki Centre ha ki Petrol Pump, RTO Office wei ka bai leh man ko Rs. 60 hadooh Rs. 100, iwa chong ha ki jait kari wa i phñiang wa pynemkaam ka kari.
Discussion about this post