U Folarin Balogun uwa man kam uwa yaleh ka USA kamjooh uwa thap kool, daw yoh u wow yalehke Quarter Final pyrchah ya ka Belgium ha ka 7 tarik hadien wa pynbna ka FIFA wa da pyndam ya ka Red Card kawa da yoh u ha ka yalehke pyrchah ya ka Bosnia and Herzegovina heiwa da chah khang wow yalehke chisien.
Ini da e mynsien ko ya ka USA kawa dapoi Quarter-Final ha ka sien wa nyngkong nadooh u snem 2002. U Balogun toh uwa da yoh wow thap le sien na ki le tylli ki yalehke heiwa u Coach, u Mauricio Pochettino da hap u wow thooh laad kammon wow yalehke.
Ka Disciplinary Committee ka FIFA da chim ko yeini i rai katkam ka Article 27 ka FIFA Disciplinary Code, heiwa chah wow pyndam (Suspend) ya ka Red Card lada iwa jia ym em yatoh i wa ka Match Fixing.
Ini mut i wa kani ka Red Card dang em hi ko tangwa da Suspend ka neibynta ka chi snem wei lada jia wa u Folarin Balogun leh u yei jooh daw yoh u ya ka “One-Game Ban”.
Ini ymtoh i sien wa nyngkong wa pynemkaam ka FIFA ya ka Article 27 heiwa da chah ya u Cristiano Ronaldo wow yalehke pyrchah ya ka Ireland deiwa Suspend ya ka Red Card u.
Neiliang u President Donald Trump da e khublei u ya ka FIFA hadien wa pynbna ko yeini.
Neiliang ka Belgium ym pu em ong ko iyi iyi tangwa da ong wa dang pynkhreh ki yei jubab.
U Balogun da yoh Red Card u hadien wa tyngkhooh u wa uwa yalehke ka Bosnia and Herzegovina heiwa nyngkong ym em e Foul tangwa deiwa pynemkaam ya ka Video Assistant Referee (VAR) da chem wa u Balogun da yooh u yei khyndong uwa yalehke pyrchah.
Ha itu i por kiwa yalehke ka US da ong ki wa ini wa jia ymtoh iwa leh chynnam.
Discussion about this post