Ka Department of Commerce & Industries ka sorkar Meghalaya, ha ka 13 tarik uni u bnai da pynkup burom ko da ka State Award for Handicraft Artisans ya kiwa chna tiar chna tar (Handicraft Artisans) neibynta u snem 2024-25 ha ka yalang wa da pynman ha Conference Hall ka Directorate of Commerce & Industries.
Ya kani ka Award da em 6 ngut kiwa yoh kiwa man kamni:
1. U Phras Syngkli na Umkaduh, Ri-Bhoi District
2. U Gilford Pde na Chilliangraij Jowai, West Jaiñtia Hills District
3. Ka Mamsikha N Sangma na Balsri A’ding Chitoktak, West Garo Hills District
4. Ka Ensila D Shira na Rongreng Chidekgre, Williamnagar, East Garo Hills District
5. U Wanstep Thangkhiew na Umsong, Ri Bhoi District
Kani ka khusnaam kynthup ko leh ya ka song poisa kawa ₹50,000 deilang ka Trophy wa ka Certificate.
Ya kini ki Award da saam da u Director ka Commerce & Industries, u F. Sutnga, deiwa emlang u Joint Director of Commerce & Industries, u M L Wanshnong chirup wa kiwi de ki heh ka chnat wa kiwa mihkhmat na ka Meghalaya Handloom & Handicrafts Corporation Ltd (MHHDC Ltd), Meghalaya Industrial Development Corporation Ltd (MIDC Ltd), Development Commissioner (Handicrafts), Government of India, National Institute of Fashion Technology (NIFT) wa u Asuk Suting uwa man kam uwa yoh ya ka National Award.
U Director hawa e yei klam da yaroh u ya kini kiwa yoh Award ya iwa da ye ki u pynmih wei pynwandur wei kamjooh wa pynneh pynsah ki ya i rukom wa da pynmyllien ki warim wajah.
Da pyntip u leh wa ka chnat daw yarap poisa ko ya ki yow chna ya ka Working Shed deilang ka Store Room wa ka thaw yow dai ya ki mar yong ki kamjooh yow thied ya ki tiar wa emkaam ki yow chna ya ki mar.
Daw yarap leh ya kini kiwa yoh Award yow e sikai ki ya kiwi.
Chooh chooh da pyntip wa deiwa krehkaam ka Innovation & Research Centre (I&RC), daw yarap ko wow chna da kiwa rap phær wei kani ka thaw daw em ko leh ki 3D Printer.
Discussion about this post