U Saron Paswet, u MDC na ka 19-Jowai South uwa jooh em waka Party NPP, ha kani ka kynti wow yakhun Election biang da mih noh u naka NPP dei thmu u yakhun naka Party Congress, wei hei yaklam wa oo haka sngi li thap pyrtuid u, da ong u kam u MDC wa dadep jop naka Party NPP, haki 6 snem sñiaw u wa man u u MDC wa embhah tam, tangwa la kyruiñ won u cha i eh i khoo ka Council, sñiaw u wa man uwa sihbhah tam.
Khana u wa heipor wa em u haka Party NPP katwa ye wa lah da yarap u ya ki paidbah wei thooh ki laad ki luti, tang manda kyruiñ won u chei eh ka Council, man iwa saja u em haka Party NPP, na itæ i daw lai noh u cha ka Congress deiwa em i sñiawskem u ye wow kreh bha neibynta ka Council kamjooh ki paidbah, deiwa pynrap wa ka toh ka Party wa da synchar boon snem wei man ko leh ka wym jooh em chah pynbaad chah kynthah.
Chooh chooh ong u i lai u cha ka Congress ymtoh i daw yong samen tangwa toh neibynta ki paidbah waka Council hi.
Discussion about this post