Ka Meghalaya Environment Week 2022 kawa man leh kam chibynta ka lehkmen yaka World Environment Day da sdang ya ka ynne ka sngi deiwa saam ya ki chyieñ dieñ namo ka Seed Ball Initiative ha Harding Theological College, Tura deiwa chimbynta da ki spah ngut ki khynnah wa ha waroh ki Block ka jylla kiwa da chim ya kini ki Seed Ball.
Kani man ko kam wow sdang wei daw pynman ya ini hadooh ka 7 tarik uni u bnai deiwa ya krehlang wa ki chnat sorkar kam ka Natural Resource Management & Sustainable Livelihoods, Meghalaya Basin Management Agency, Soil & Water Conservation Department, Forest and Environment Department, Community and Rural Development Department, State Rural Employment Society, State Council of Science, Technology and Environment waka Agriculture Department. Ynne ka sngi nyngkong da lehkmen ya ka kam ka Environment Technology Day deiwa pynyoo yei ye ka stat Technology wow yarap u pynneh pynsah ya i spah ka rymaw hapoh ka jylla.
Ha kani ka yalang, u James Sangma, Minister of Forests & Environment Department da man u kam u kongsan heiwa da ong u wa kini ki 7 sngi toh yow pynsñiawthooh paidbah ya ki kaam wa yatoh waka rymaw wei iyi wa i ye i wow leh yow yada. Da ong u leh wa ka mynried em ko ha kti yong ka juk kawa katni nadooh kiwa dang khynroo khyllood wa ki khynnah skur kamtæ da pynchlur u wow chimbynta hei saam ya kini ki chyieñ “Seed Ball” ha jar jiar ki skur, ki yung, ki kpær, ki khloo wa kiwi kiwi.
Da ong u leh wa kini ki Seed Ball toh kiwa em chyieñ dieñ hapoh wei da mih symbe dieñ hadooh 70% manda thung wei ye leh wow kawang, u pakhot, u siat ya ki da ki watur wei cha ki thaw wym ye u poi ye wow rah da ki Drone deiwa khana leh wa ka Meghalaya Basin Management Agency (MBMA) da chna ko da ki yong ka hi ki Drone wow leh yeini.
Palat 400 ngut ki khynnah wa 100 tylli ki Village NRM Committee da embynta ki ha kani ka sngi ha Harding Theological College.
