Ha ka kyrwoh wa phah da ka Ministry of Development of North-East Region da pyntip wa ka Yobina Lyngdoh Marshyllong kawa naka chnong ka Jakhong, West Khasi Hills iwa man i chnong wa em cha kdong bha, nyngkong ym em ko yei sñiawskem wow pynlai ya ki mar rep yong ka, wei i angnood yong ka wow man kawa mankhih mankhan da man i du hei yimphoo donhi.
Nadooh u snem 2001, ka sorkar India da sdang ko wow wan yarap lyngba ka North Eastern Region Community Resource Management Project (NERCORMP) hapoh kani ka chnong. Ka NERCORMP man ko kawa yarap pynman khih ya ki bru hapoh ka North Eastern Region Community Resource Management Society (NERCRMS), ka North Eastern Council ka sorkar India deilang waka International Fund for Agricultural Development (IFAD) kawa em yei khlieh ha Rome; da ye ki wow yarap ya ka Yobina Lyngdoh Marshyllong wow pynheh pynsan yei khih i khan yong ka.
Dei yahluti ka NERCRMS, ka Yobina da man ko kam ka dkhot ka Self Help Group (SHG) ‘KA BUIT KA LONG KA BOR’ kawa da seiñ ha u 04-04-2002 wei hadien kattu katni por da man ko kam ka Chairman kani ka SHG neidaw wa em ko yei sap wow pait, wow pynlai ya ki kaam kamjooh wow yahluti nakhmat.
Ka NERCORMP da pynyoh myntoi ko leh ya waroh kawi ka chnong deiwa wanrah wow chna ya ki paikhana wa duna dor iwa da pyndooh yei lai paikhana cha lait kamjooh yow pynman ya ka chnong kawa khooid wa jngiar.
Sa iwi i yarap toh wow e poisa kawa da pynemkaam hapoh ka SHG. Nyngkong ka SHG da yoh yarap ko T. 1 lak. Na kani, ka Yobina da chim ram ko T. 14,000 wei da wai dukan dai khoo wa kiwi ki marbaam hapoh ka chnong. Wei deiwa yahluti wa i yarap ka NERCORMP da pynpliah kammon wow kreh wei wow pynheh yei khih i khan. Kamtæ hadien ini da ye ko wow wai sa iwi i dukan hapoh ka chnong hi.
Hadien wa wai ar tylli ki dukan hapoh ka chnong, da sdang ko leh wow lai dai ya ki mar yong ka kam cha Mairang wa Shillong. Wei katni da man ko kam kawa seiñ khih kawa da man khih bha.
Ka Yobina deilang wa kiwi ki dkhot ka SHG da dai ki ya ki mar yong ki kam ha Mairang wa Shillong. Neidaw wa dai hi ki pyn da ki ya ki mar ha ki yaw ki haat ki chnong wa da man sor, katni da ye ki wow dai T.10,000 hadooh T.15,000 chi sngi. Neiliang ka Yobina da pynchlur ko ya kiwi wow sdang ya ki SHG wei hapoh ka yong ki da em 70 ngut ki dkhot.
Ka NERCORMP da ye sakhiat ko wow wanrah yei kylla hapoh i im ki dkhot ki SHG deiwa pynku yei rukom im ki. Ka Yobina Lyngdoh Marshyllong da pynsñiaw ko yei sñiawngooh ya ka NERCRMS, NEC, ka sorkar India wa da yarap ya kiwa chong chnong ka Jakhong yow pymankaam ya ka Atma Nirbharta.
