Ka Ambulance ka JSU kawa mih na yaaw Cement yow lai cha Shnongrim yow yarap ya kiwa mynsoo nei yakhih pyrchah ya ka Public Hearing ka Shree Cement ym em yoh ko wow poi thaw neidaw wa em ki bru wa mih wow dat da ki moo wa ki dieñ.
Kani ka Ambulance da mih ko heipor kamwa 11:40 i miet ka 30 tarik tangwa ym em poi ko chei thaw heiwa da chah tympiah ki yit wei da mynsoo leh uwa yah deilang uwa yarap ya oo.
Deiwa embhah da ye ki wow yut da kani ka Ambulance hi wei dapoi biang ki cha yaaw Cement heipor kamwa 12:30 ynne i step wei da kit ya ki cha Sutnga CHC.
Ynne i step won heipor kamwa 6:00 waje heipor wa mut ki dkhot ka seiñ JSU wow lai cha ka Public Hearing da chah kawang moo wei chah siat watur ki wei da em leh kiwa da tih ya u sarok wow lai chei thaw pynman Public Hearing.
Ha ini iwa jia boon ki kari kiwa da piah ki yit wei takha, kamtæ ki dkhot ka seiñ ym yohsa ki khlem da yut na kani ka thaw.
Neiliang ka seiñ HSYF leh kawa da chah kawang moo da ong ko wa kini ki bru wa poi wa khang luti toh kiwa na baar kiwa chah thied ha ka Shree Cement wei na kini ym em uwi leh u tre chnong.
Discussion about this post