Wan pyndem ka Sonam hadien wa pyndam ka Supreme Court ya ka jamin ko

Hadien wa pyndam ka Supreme Court yei yoh jamin wei da e por ko le tayaaw ya ka Sonam Raghuvanshi wow wan pyndem ko kawa man leh kawi na kiwa chah pynbaad wow pynyap ya u kurim ko, u Raja Rahuvanshi, da wan ko wow pyndem hakhmat ka Shillong Sessions Court.

Ini da pynkut ko yeiwa lait ka Sonam deiwa yoh jamin ha u bnai April uni u snem.

Yeini da pyntikna leh da u payu u Raja, u Bipin Raghuvanshi uwa da em ha Shillong ha ka 28 tarik uni u bnai kam chibynta i bichaar ya ka mukotduma heiwa da ong u wa da yoo u ya ka Sonam lyngba ka Video Conference wa em ko hapoh patok hadien wa wan pyndem ko.

U Bipin da ong u wa daw hun mynsien u du hadien wa yoh ka Sonam yei pynchitom wa khor dooh katkam wa chah ka aiñ.

Da ong u leh wa sñiawkhia u wa i rukom man katni toh wa lada u chynrang chah pynchitom u ha ka yung ka sem ym em wa chimkhia hawa nujor manda chah lehbeiñ ki kynthai.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Da yaroh u leh ya ka sorkar Meghalaya wa da bien ko wow lai chadooh ka Supreme Court yow yaleh pyrchah yei yoh jamin ka Sonam.

Puræ leh: Pyndam ka Supreme Court yei yoh jamin ka Sonam Raghuvanshi | E por ya ka le tayaaw u wan pyndem