Ka West Jaiñtia Police da jop suk ko da 102 Run ya ka Shangpung SC ha ka yalehke ynne ka sngi yong ka District Cricket League 2026 wa pynlai da ka West Jaiñtia Hills District Cricket Association.
Ya ka kylla-khlem da jop da ka West Jaintia Police kawa da jied wow Bat nyngkong wei da kamai ko 215 Run na ki 35 Over deiwa haap 9 Wicket.
Na kiwa Bat, u Obadaia Bareh da kamai u 39 Run na ki 47 bol wa kynthup ya 5 tylli ki 4 Run katwa u Bishal M Sangma won da kamai u 27 Run na ki 17 bol wa kynthup ya 2 tylli ki 6 Run wa 2 tylli ki 4 Run. Na kiwa kawang bol ka Shangpung, u Rishot I Suchiang da yoh u pynhaap 3 Wicket na ki 7 Over, katwa u Hameki Susngi wa u Bantei Langstang da yoh ki u pynhaap mar 2 Wicket samen.
Hawa beh ya ka thong, ka Shangpung da duna ko sa 103 Run wow poi cha ka thong wei da kamai ko du 113 Run deiwa haap lut ko waroh ki Wicket ha ki 23.5 Over. Na kiwa Bat, du u Bantei Langstang wa u Mewankitbok Kharpuri kiwa rap lehbha. U Bantei Langstang da kamai u 33 Run khlem chah pynhaap na ki 36 bol wa kynthup ya 6 tylli ki 4 Run katwa u Mewankitbok Kharpuri won da kamai u 27 Run na ki 24 bol wa kynthup ya 4 tylli ki 4 Run. Na kiwa kawang bol ka West Jaintia Police, u Kenny Wann da yoh u pynhaap 3 Wicket na ki 5.5 Over, katwa u Plielad Makri da yoh u pynhaap 2 Wicket.
Yei naam Man of the Match da yoh rah da u Loverist Langbang uwa yalehke ka West Jaintia Police.
Ka yalehke ha ka 7 tarik toh hapyrdi ka Ummulong B pyrchah ya ka Young Lads CC heipor 9:00 waje i step.
Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches.
Discussion about this post