Ka Young Lad’s CC da jop ko ya ka Phramer CC da 7 Wicket ha ka yalehke wa khaddooh ka League Stage ynne yong ka District Cricket League 2025 wa pynlai da ka West Jaiñtia Hills District Cricket Association.
Ya ka kylla-khlem da jop da ka Phramer CC kawa da jied wow Bat nyngkong wei da yoh ko 101/10 na ki 19.4 Over heiwa u Wanteimi Ymbon da yoh u 18 Run na ki 18 bol deilang kawi ka 6 Run wa kawi ka 4 Run, da yaraplang wa u Melan Suchiang uwa da kamai 17 Run na ki 11 bol deiwa dat kawi ka 6 Run wa kawi ka 4 Run. Na kiwa kawang bol ka Young Lad’s, u Namewanki Pakyntein da yoh u pynhaap 3 Wicket na ki 4 Over.
Ka Young Lad’s hawa beh ya ka thong da ye ko u pynjop deiwa kamai 105 Run na ki 14.5 Over deiwa dooh 3 Wicket. U Mewada Shylla da man u uwa lehbha deiwa kamai 57 Run (Not Out) na ki 41 bol deilang wa 2 tylli ki 6 Run wa 6 tylli ki 4 Run wei da yoh u leh yei naam Man of the Match.
Deiwa rem ynne, ka Phramer CC da dooh noh ko wow psiah Semi Final. Kamtæ na ka Pool A kiwa da yoh u psiah Semi toh ka West Jaiñtia Police CC wa man kam ka Top Team wa ka Mupliang SC kawa da yoh wa ar hei boon Point.
Na ka Pool B won kiwa da yoh u psiah Semi Final toh ka Ummulong CC kam ka Top Team wa ka Mowkaiaw CYC kawa man wa ar hei boon Point.
Ya ka Digital Live Score yong kani ka League ye phi wow pait ha https://cricheroes.com/tournament/1406553/wjhdca-district-cricket-league-2025
Discussion about this post