Lai yachem ka JSM wa ka DSEO wa dooh thaw puræ Class-XI ki khynnah

Ka Jaiñtia Students’ Movement (JSM) Western Region ynne ka sngi da lai yachem kamjooh da phah chithi ko cha ka DSEO ka West Jaiñtia Hills District neibynta u pynsñiaw yei eh i khoo ki khynnah kiwa thooh thaw puræ Class-XI yong uni u snem.

Ka yurim wa pynman ya ka seiñ u yachem wa ka DSEO toh neidaw wa da yoh chiboon i pyntip na ki khynnah wym yoh thaw puræ ha ki skur waphær waphær.

Ka seiñ da ong ko wa neidaw wa ha uni u snem wa boon kiwa ye u pyndep ya ka SSLC na West Jaiñtia Hills, tangwa neidaw wa duna won ki thaw puræ da pynman ko ya ki khynnah na Ri Jaiñtia wow dooh skur ki ha uni u snem.

Ha i yaklam ka JSM, da kyrpaad ko ya ka DSEO wow leh ya iwa bha tam neibynta ki khynnah purea deiwa pynboon ya ki Seat ha Government Boys’ Higher Secondary School, Jowai, ha Government Girls’ Higher Secondary School, Jowai wa ha Kiang Nangbah Government Higher Secondary School, Jowai.

Related posts

Dawa ka PSM na u DC wa u SP wow booh Infiltration Check Gate ha u sarok Jowai-Dawki wa joor psiah tooh ki Bangladeshi

September 22, 2026

Yap uwi wei mynsoo joor ka kurim hadien wa chah tyrrah ka Scooty ha ka Thar

September 22, 2026

Ka seiñ da ong ko deiwa biang ka puræ puthi, daw pynman ko leh ya ka mynried ki khon khynroo yong i kawa miat wa bha.