U State General Secretary ka BJP Meghalaya, u Wankitbok Pohshna da ong u wa em iwa lait hei rukom pynbna ya ka Result yaleh kreh Nurse wa pynman da ka Meghalaya Medical Services Recruitment Board (MMSRB) iwa pynoo wa em i tkoh hawa leh yeini.
Da ong u wa i wym lai ryntih da pynyoo yei wym em chimkhia yei rukom pynman ka sorkar ya kini ki Exam iwa pynyoo leh yei tlot i rukom krehkaam iwa da ktah ya ka mynried kiwa boon ki khynroo khyllood kamjooh ya ka jylla hadien habood.
Da ong u leh wa ki hajar ngut ki khynroo khyllood kiwa yang wa yooluti wow yoh kreh sorkar da yooluti ki wa i thung kreh toh u man i iwa khooid wa suba nadooh kiwa pynman da ka MPSC næ da ka MMSRB, heiwa toh u man ki kiwa ye ki paidbah u chaniah wei kiwa lait na iwon iwon i leh tooh. Neibhah lada em chi tak donhi i suba leh daw ktah ko yei chaniah ki paidbah ya ka sorkar wa katni i wym boi tang u yaklam leh.
Chooh chooh da ong u wa kut wa pynbna Result da ka sorkar da em bait i pynchrai ya ki paidbah nadooh i rukom pynman ya ka Exam hadooh wa da pynartatien ya ki paidbah, wei ini ymtoh iwa bha.
Kamtæ ka sorkar ymtoh wow man ko kawa mutlop ka wym bien u pynkylla yei rukom pynman Exam neibhah hawa em i duna toh u pynbait yow yoh yei chaniah ki paidbah.
Discussion about this post