U Speaker ka Meghalaya Legislative Assembly, u Thomas Sangma da pynsñiaw u yei dooh mynsien yei suki ware i kreh yaka yung dorbar wa thymme namo ka Assembly Building wa em ha Mawdiangdiang.
Tangwa sñiaw skem u wa daw pyndep yei chna heipor wa booh itæ ha u Naikhynde uni u snem.
U Thomas Sangma ynne da lai pait u ya kani ka yung dorbar wei ym em kmen u yeiwa yoo u wei da phah u ya ki wow leh smat yei kreh wei da yaklam leh yei slem u poi ki tiar ki tar yow chna iwa da man i daw wa suki i kreh.
Neidaw ka bynta wow chong dorbar daw em ka khlieh tnoom kawa man kam kawa da chna chwa yow pyndait donhi namo ka Pre-Fabricated Steel Structure, tangwa ki tiar kiwa dapoi man ki du kamwa 50% donhi, da pyntip u Sangma.
Da khana u leh wa i kreh da jan dep i tangwa iwa dang sah toh ka thaw chong dorbar wa em hapyrdi heiwa da kular ha oo wow pyndep u chna ka ha u Wisu (Mar).
U Thomas da ong u leh wa da chimkhia u ya ini i kaam wei daw lai u dei langær yow lai pait.
Discussion about this post