Du 10 ngut wa em hapoh ka lieñsuiñ wa lai cha Delhi neidaw wa joor man bih ka la’ær na nongbah ka ri

Kawi ka bru da booh ko ya iwi i dur ha Social Media wow pynyoo wa thylli ka lieñsuiñ na Bengaluru cha Delhi heiwa em du 10 ngut donhi ki bru hapoh ka lieñsuiñ. 

Kani ka bru wa pyrtuid ka Sumedha Uppal da khyrngiat ko deiwa thoh wa ym jooh kynmoo ko wow thylli ka lieñsuiñ na Bengaluru cha Delhi ha ka sngi wa kut ka tayaaw (Weekend) wei deiwa hær heipor sngi.

Ka Sumedha da kylli ko leh wa lada ka la’ær ha Delhi da sih namo da man bih ware ko neibhah wa da hiar ware ka AQI (Air Quality Index) ha nongbah Delhi.

Ki nong Delhi ynne ka sngi da khai ki wow sakhi yei sih wei man bih ka la’ær ha nongbah, heiwa katkam ka yukheiñ na ka Air Quality Early Warning System ynne i step ka AQI man kawa kynjoh 400 iwa pynman ya ka kam ka nongbah wa ka sorbah wa sih wei man bih dooh ka la’ær.

Related posts

Booh mooyurim u VP ka yingkieñ wa pynyabi ya ka East Khasi wa West Jaiñtia | Ki kreh wa chongdor palat Rs. 1000 klur deilang

September 8, 2026

Ym em silet wei ym paan maap, ong uwa pynyap ya ka kurim | Maham u leh wow pynyap sa ya uwi u bru

September 8, 2026

Katkam ka Central Pollution Control Board (CPCB), ha ki 24 kynta ka Average AQI man ko 361 hadooh 4:00 waje i janmiet ynnin ka 8 tarik iwa booh ya ka ha ka ‘Red Zone’.