Jowai : Ha ka kynta wa booh ya ki phang kylli ha khmat ka dorbar mang poisa ka JHADC ynne ka sngi u Marki Mulieh da kylli u chaphang ka Trading License.
Da kylli u na ka Executive Committe chaphang ka Trading License namo ka laad wow ebor ya ki baar jylla wow khayi ki hapoh Jowai wa ha Ladrymbai.
Ka jubab wa yoh na u KM Lytan uwa pait ya ini i kaam da ong u wa ha Ladrymbai da em 1038 ki dukan wa ki karkhana wa da e ya ka Trading License heiwa ha u snem 2016 ha Ladrymbai da em 15 tylli ki dukan, karkhana wa ki dukan kiwa paan ya kani ka License.
Hei yatoh won wa ka Jowai da em 135 tylli ki dukan wa da biang License naka Council wei kawa nyngkong dooh ka Trading License wa da e ka JHADC toh ya u Phul Mohamed uwa dai that wei uwa em dukan ah sniooh ha Iawmusiang ha u snem 1975 ha ka 5 Wisu (March).
Uwa paan khaddooh dooh toh u Abdul Kalam Choudhury uwa em dukan soor that ha Iawmusiang, Jowai ha ka 24.04.15.
I dor kini ki License wa syad dooh uwa su toh u Prakash Chand Jain uwa su T. 11,150 chi snem na Jowai uwa dai that katwa uwa duna dor dooh toh u Phul Mohammed uwa yoh nyngkong dooh ya kani ka license heiwa da su u hei dor T. 1,700 kiwi won kiwa su ha ini i dor toh u Anil kumar Sungha wa chna Dynamo ha Newhill, u Mahesh Thakur uwa em dukan ah sniooh, u Jaymul Islam Mazumdar uwa soor that, u Mahesh Thakur uwa ah sniooh, u Md. Isha uwa ah sniooh, u Akhileh Kumar uwa ah sniooh, u Nailababu Singha uwa soor that, wa sa 12 ngut kiwi kiwa kreh ha kini ki jooh ki jait kaam.
Discussion about this post