Ka Dorbar Chnong Lakadong Ummat, da pynmih ko ya ki kyndon yalap Election neibynta kani ka Election MLA 2023 ki wow pynman hapoh u pood u ang ka chnong kiwa man kamni ha wah.
Ym chah ya ki heh namo ki Leader yong kiwon kiwon ki kyrtong kiwa na baar chnong wow psiah chapoh chnong nadooh wa pynmih ya kani ka Wyrta.
U chah du 3 tylli donhi ki kari khian (Light Motor Vehicle) wow psiah chapoh chnong deiwa yoh Car Pass na ka chnong, lait noh ya ka kari yong u kyrtong (Candidate).
U chah du 3 ngut donhi wow yalap Election (Meeting/Campaign) wa kynthup lang ya u kyrtong wa uwi u tre chnong neibynta u kyrtong, lait noh u Chairman chnong u wow pynlai ya ka yalang.
I por yalap Election (Meeting/Campaign) toh du chi kynta donhi, wei kamjooh ya ka tarik wa i por daw booh da ka EC ka chnong.
Ym chah ya kiwon kiwon ki kari kiwa pynheh ya ki sur rwai kiwa pynwit pynthut yaka chnong ka thaw.
Ym chah ya kiwa kyrchaan næ kiwa bood ya ki kyrtong wow psiah chapoh chnong khlem da yoh Badge naka chnong.
Lada ki Unit yong ki Party ha ka chnong kwah ki wow leh iyi iyi ha ka sngi wa yalap Election hapoh ka chnong, toh u pyntip ki 3 sngi chwa cha kiwa kitkaam chnong.
Ka Dorbar Chnong Lakadong Ummat, da kyntu ko ya waroh wow ya krehlang ki wei wow bood ya ki aiñ ki kyndon khnang wa i thmu yong ka chnong daw wanrah i yei chongsuk chongsaaiñ wei da maham leh ya kiwon kiwon kiwa yaleh pyrchah ya kini ki kyndon wa daw chah pynchitom ki katkam ka aiñ.
Kani toh katkam ka Wyrta na u Asst. Secretary Chnong ka Lakadong Ummat, East Jaiñtia Hills.
