I kjut yoh khñiang khmat deiwa kylla soo wei lang ait-khmat wa tip leh kam ka Conjunctivitis da kreh ko deiwa rap eh heiwa ha ka chi sngi hadooh kamwa 20 ngut kiwa chah ktah na ini i kjut kiwa da wan wow chim dawai na ka CHC kawa em ha Mawlai Mawroh.
Ya ini da pyntip da ka District Medical and Health Officer (DMHO) ka East Khasi Hills, ka Dr. Adriana Lyngdoh hawa klam wa ki kattu katni ngut kiwa thoh khubor.
Katkam i khana ka Doctor, da em leh ki khynnah ka SAI kiwa em ha NEHU Campus kiwa da chah ktah na ini i kjut khmat.
Da ong ko leh wa neiliang ka chnat i chait i khiah ynne da pynmih ko leh yei pynbna paidbah kammon wow yada nei chah ktah ha ki khñiang kjut Conjunctivitis.
Ka Dr. Adriana da ong ko wa ka laad yada na kini ki khñiang khmat toh deiwa siat bha ya ki kti chwa wow tba ya ki khmat wei kamjooh wow kiar nei pynemkaam ya ki jooh ki tiar kiwa da pynemkaam kiwi kam ki that niam kti wa kiwi de yow lait nei poor ini i kjut.
Discussion about this post