Du hadien 6 bnai dooh noh u AA Shullai ya ka chuki CEM ka JHADC

Jowai: U Bison Roy Iano u MDC ka Raliang ynne ka sngi ha ka dorbar mang tyngka ka JHADC da wa wanrah u ya ka No Confidence Motion pyrchah ya u A. Andrew Shullai  deiwa ong wa u Shullai ym em de yoh u ya ka kyrchaan yong kiwa boon ki MDC.

Neiliang u MDC ka Saphai u Chanky Lyngdoh leh da yieñ u wow kyrchaan ya kani ka No Confidence Motion deiwa ong wa ha ka synchaar hi kamwa man hapoh ka jylla emkaam u synchaar da kiwa boon paaid.

Da yieñ won sa u Shemhok Garod u MDC ka Nangbah wa da kyrchaan u ya ka No Confidence Motion deiwa ong wa ka EC u Shullai em ko ha i duna paaid.

Kamtea u Chairman u Arbor Hima Darnei da phah yieñ u ya ki MDC wa kyrchaan ya ka No Confidence Motion hei wa da yieñ 17 ngut ki MDC wa kynthup ya ki MDC ka Congress, UDP wa ka BJP.

Katwa u Madonbai Rymbai u MDC ka Khliehtyrshi da mih u na ka yung dorbar chwa ini.

Hadien ini da pynbna u Chairman wa ka chuki CEM man ko kawa thylli wei da e por ya kiwon kiwon wa kwah wow pachat (propose) pyrtuid ki yong uwon uwon u MDC wa yoobiang ko wow ksoh ya kani ka kaam.

U Andrew da chah jied u kam u CEM wa 26 ka Council ha ka 27 Naikhynde 2017.

Related posts

Lada ym biang u Captain wa yah jhaad daw pynngam u ka, ong u Charles Pyngrope ya ka Congress

August 16, 2025

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Also Read: Chimkti noh u Awhai Andrew Shullai kam u CEM ka JHADC