Du hadien kattu katni kynta wa chah siat yap uwi u Hindu wa em ya kawi ka karkhana ha Bangladesh ynnin ka 5 tarik heipor 6:00 waje i janmiet. Da chah pynyap won sa uwi u Hindu uwa em dukan dai mar baam ha Narsingdi iwa em ha khapsor wa ka Dhaka.
Uni uwa dang chah pynyap toh uwa tip kam u Sarat Mani Chakraborty uwa chong chnong ka Palash Upazila, Narsingdi wei da jia ini ya oo heipor wa dang liwan yung hadien wa mih na dukan heipor 9:00 waje i miet heiwa da chah dung u pyn hakhmat i yung u.
Ki pulit ym pu tip ki yei daw wa chah pynyap u Sarat wei dang thooh ya kiwa emkti.
U Sarat toh uwa em dukan ha Charsindur Bazaar wei hadien wa chah khyrrup wei chah dung u, da kit ya oo cha thaw sumaar tangwa da khlaad u ha luti.
Da ieh u chadien ya ka kurim wa i khon kynthai wa dang 12 snem wei kiwa ha-yung u da phylla ki yeini wa jia neibhah toh u bru uwa bha u wym ya kajia wa kiwon kiwon.
Tangwa katkam wa ong uwi u bru wa kreh monsñiawbha ha Bangladesh uwa tip kam u Bappaditya Basu, da em ki bru wa dawa poisa na u Sarat ar sngi chwa wow chah pynyap deiwa pynbaad u leh wa kini ki bru da ong ki wa lada kwah u wow im ha Bangladesh hap su u ya ka Jizya kawa man ka dan wa hap su ki bru ki wym toh ki Muslim.
Discussion about this post