Du i mynjur u President wa ye u pynkrehkaam yaka ILP: Conrad

Shillong: U montri rangbah ka jylla Meghalaya, u Conrad Sangma ynne ka sngi da ong em ki yakhih hapoh ka jylla ha kini ki 4-5 sngi iwa da pynthut yaka imlang sahlang tangwa da duna ki wei ka sorkar leh da chim ko ki laad ki luti wow pynbait ya ini.

“Da ong u waroh iwa da leh ka sorkar nadooh i yachem ya u Union Home Minister, u Amit Shah kamjooh wow pynman yaka sorbar kyrpang yow chim yaka rai neiliang ka sorkar jylla wow dawa pynkrehkaam yaka ILP da yarap ko wow pynduna yei yakhih wei da yaleh i wow pyntikna wa ki paidbah u yoh ki yaka yutip wa biang,” da ong u Conrad.

Heiyatoh won wa i ong u MLA warim u Ardent Basaiawmoit, wa ka ym emkaam ka sorkar wow wanrah daka Resolution yow pynkrehkaam yaka ILP hapoh ka jylla wei du da ka Notification naka sorkar leh da biang, u Conrad da ong u wa ki kyndon ka the Bengal Eastern Frontier Regulation (BEFR) kawa tip leh kam ka ILP da klam che ko heiwon ye u pynkrehkaam ka wei na ki por cha ki por lyngba ka Presidential Notification da pynkylla yaka kamwa da dep leh ini wa dep haka 11 tarik uni u bnai heiwa ka Manipur leh da em ko hapoh ka ILP. Kamtæ lada ym thap yei pyrtuid ka Meghalaya hapoh kani ka aiñ kamwa da leh yaka Manipur ym ye u pynkrehkaam ka hapoh ka jylla,” da pyntip u Conrad.

U Ardent da kdaw u leh wa ka sorkar Nagaland ini wa da dep da wanrah ko yaka Dimapur hapoh ka ILP lyngba ka Notification kawa ym jooh haap hapoh ka ILP.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Conrad da ong u wa u MLA warim ye u man wa klam u yaka aiñ warim kawa em leh i ktien Garo, Khasi, Jaintia Hills hapoh yong ka tangwa kini ym em de ki katni kamtæ ym em de ko hei bor ka sorkar jylla wow leh ya ini deiwa pynmih donhi da ka Notification.

Ha iwi tawon i liang, u montri rangbah da ong u wa ka sorkar daw yang chwa ko mynnu wow pyndam noh yei pyndooh yaka Internet.

Da pdiang u wa ini da ktah ko ya ki paidbah wei da kyntu u yaki paidbah wow man kiwa yaichah neibynta i bha i miat.

Hawa kylli won yei ong ki liang pyrchah wa ym em buit ka sorkar kamtæ da pyndooh ki yaka Internet, u Conrad da ong u, “Ki bru daw ong ki katwa kwah ki u ong. Tangwa hei sñiaw yong nga toh iwa emkaam dooh wow yada ya ki paidbah na iwon iwon i jia wa sñiawsih wa em hakhmat dooh ya i.”

Da yaroh u leh ya ki pulit kiwa da ye wym pynemkaam da ki bor wa joor wow kdoh u khoom ya ka yakhih pyrchah yaka CAA.