Du ka NPP wa ye wow wanrah ya ki kaam pynroi hapoh jylla: Martin M Danggo

Jowai: U Symbood Montri Rangbah ka jylla, u Prestone Tyngsong chirup wa u kyrtong ka NPP na Ranikor, u Martin M. Danggo ynne da hiar ki cha Rangthong wow paan yei kyrchaan na ki paidbah ha ka Election chiteiñ samoi ha kani constituency ka wow man ha ka 23 tarik uni u bnai.

U Prestone da ong u wa hapoh i yahkhmat u Conrad Sangma ym jooh bien ki wow klam pyrchah ya uwon uwon heipor yalap neibhah wa ka party skem ko wow yakhun ya ka Election deiwa khooid wei hajrong ki thong krehkaam neibynta ki paidbah.

Da pynche u yeiwa ong kiwi wa u Danggo toh uwa yut party namo u “Defector” da ong u wa hapoh ka riti synchaar ka ri u MLA uwa ieh yei kaam u wow yakhun biang ymtoh uwa yut (Defector) neibhah wa da ieh u yei kaam MLA na ka Congress wow psiah won cha ka NPP. Heiyatoh wa i ieh u yei kaam hadien wa yoh ya ka Ranikor Civil Sub-division, u Prestone da ong u wa u Danggo da leh u yeini deiwa pyrkhat yeiwa bha ka Constituency.

Da kynmoo u wa ha u snem 2013 kiwa pyrchah ya u Danggo kwah ki wow pynrem oo neidaw wa ymyoh u ya ka Ranikor a Civil Sub-division wei ki jooh hi katni kwah ki wow rem u du neidaw ki yurim wym skem iwa da wanrah yei dukha mynsien ki paidbah.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Heiyatoh wa ki kaam ka NPP hapoh i yahkhmat u Conrad Sangma, u Prestone da ong u wa em chiboon ki kaam wa daw leh nadooh ki sarok kam ka SARDP Road Project wei wow wai biang ya ki Border Haat.

U Martin M. Danggo da kynmoo u yei eh i khoo wa chem u wow yoh ya ka Civil Sub-division ha Ranikor heipor wa u Dr. DD Lapang wa u Dr. Mukul Sangma man ki kam ki montri rangbah.

Da ong u wa hajrong wa kyrpaad ya ki wow e yeini waroh ar ngut da kyntait ki da boon snem wei khaddooh dei wym yohsa da lai u ha u Conrad Sangma wow dawa Civil Sub-division ha Ranikor ha uni u snem hadien wa ka sorkar MDA yoo ko yeiwa emkaam ki paidbah.

Chooh chooh da ong u wa da ieh u yei kaam MLA toh kam ka dak wa sñiawngooh u ya u Conrad Sangma wei ngait skem u wa du ka NPP wa ye sakhiat wow wanrah ya ki kaam pynroi ha ka thaaiñ wa ka jylla waroh kawi.

Ha kani ka rally da emlang u NPP State President, u Dr. W. Kharlukhi, u montri ka tnat Industries, u Sniawbhalang Dhar, u MLA ka Williamnagar u Marcuise N. Marak, MLA ka Mawshynrut, u Gigur Myrthong wa u MDC ka Sohryngkham u Pyniaid S. Syiem.