Shillong: U montri rangbah ka jylla, u Conrad Sangma da ong u wa hapoh ka Meghalaya du uwi u bru wa da wan chakhmat yow yoh u man tre ri hapoh ka Citizenship (Amendment) Bill (CAB).
U Conrad da ong u wa ka CAB da booh ko yaka 31-12-2014 kam ka tarik wa khaddooh ya kiwa da em chwa hapoh ka ri kiwa ye wow yaleh u man kam ki tre ri kamtæ ym mih de i kylli wa kiyi de wa ye u yaleh u man tre ri.
“Deiwa booh ya kani ka tarik, da man ko ka wow pyndooh yei syier mynsien ki paidbah,” da ong u Conrad.
Da ong u leh wa i kam wa 1.70 Klur ki Hindu na Bangladesh daw psiah ki chapoh ka ri toh iwa bakla.
“Kani ka tarik khadooh namo ka Cut-off Date toh ya kiwa da em chwa hapoh ka ri nadooh wa phiah yaka ri. Kamtæ ym em de ki wow wan psiah cha ka ri neibhah ym yoh ki u man tre ri wa da em kani ka Cut-off Date,” da pynche u Conrad.
Da ong u leh wa ini i bynta wa da pynkylla daw yarap ko wow yada yaka jylla.
Heijooh i por da ong u wa ka sorkar dang sñiaw ko wa dang emkaam wow pyllait ya waroh kawi ka jylla naka CAB.
Da ong chooh chooh u wa ka sorkar pyrdi, yaka Meghalaya da pylliat ya ki bynta wa haap hapoh ka Sixth Schedule wa ya kiwi ki jylla wa em yaka ILP.
“Hawa yoo yeini waroh, ka sorkar da rai ko wow lai daka luti wa phær wei lada ye wow pyllait yaka jylla waroh kawi naka Bill,” da pteiñ u Conrad.
Da pyntip u leh wa mynstep daw yah u yaki montri cha New Delhi yow yachem wa u Union Home Minister, Amit Shah.
Heiyatoh waka ILP, da ong u wa ka jylla da em ko yaka Meghalaya Residents Safety and Security Act (MRSSA), ka wow krehkaam kam ka ILP hi.
Discussion about this post