15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Du T. 22,500 donhi yoh dan ka JHADC naka NH7

0 Comments
Advertisement ad1
Advertisement ad1

Jowai: Ka tamasa Bacardi NH7 Weekender toh kawi na ki tamasa kawa heh dooh wa poi hapoh Ri-Loom Jaiñtia kawa da pynman ha Lad Mukhla kawa riñ ya ki bru na kylleiñ ka ri wa ka pyrthai heiwa da em kiwa put wa tem na kylleiñ.

Hei yatoh wa kani ka tamasa da yoh yutip wa ka dan wa yoh ka Jaiñtia Hills Autonomous District Council (JHADC) man ko kawa duna bha, neiliang kiwa pathai khubor ynne da lai takit ki ya ini na u Special Officer wa pait ya ka tnat yaaw hapoh ka Council u Germanus Biam hei yatoh wa ini.

Advertisement ad1
Advertisement ad1

U Biam da pyntip wa ka Professional Tax na kani ka tamasa poi ko T. 2,500 (Ar hajar san spah) katwa ka NOC wa kiwi kiwi da kheiñlang iwa poi du T. 20,000 (arphaw hajar) donhi. Ini mut i wa ka dan wa yoh ka JHADC na kani ka tamasa man i waroh T. 22,500 (Arphaw ar hajar san spah) donhi.

Ini i rukom kheiñ toh katkam ka aiñ Mela Market & Others yong ka Council, wei kani ka dan u neh ko kamjooh chisien su T. 22,500 wei ye u pynman ya kani ka tamasa namo ka yaaw hadooh lephaw sngi.

Da pyntip u Biam wa ya kani ka tamasa da yoh NOC hei pyrtuid ka Springboard Surprises, Shillong wei i daw wa duna kani ka dan toh wym em u yoh ka Executive Committee (EC) u chong neidaw wa em i awri awra hapoh ka EC heipor wa paan ya ka (NOC).

Katkam wa man katni ka JHADC duna bha i yoh poisa ko, wei i duna ka dan na kam kini ki tamasa da ktah joor bha i ya ka kata poisa ka Council, wei khamtam ha wym em u chim ko sa ya ki dan na kiwi ki jait khih wa mih kam na kani ka tamasa kiwa kynthup ya ki thaw sah, ki Campfire, wa kiwi kiwi.

Share this:
Previous

Ka Congress ym em u jhan ko wow pynbna ya ki kyrtong kam kiwi ki seiñ: Dr. Mukul

Next

Da ka Ambulance paan ka AJSU-SC na ki 7 MLA ka Ri-loom Jaiñtia