Jowai: U Montri Rangbah ka jylla u Dr. Mukul Sangma hawa yaklam u wa kiwa pathai khubor ynnin ka sngi da ong u wa i pynkhreh Election ka Congress toh da ki kaam pynroi wa wanrah iwa da yoo chwa ki paidbah iwa man i kular ya ki paidbah.
Da ong u boon kiwi ki Party kiwa im du hei klam thok wei wow pynbiej ya ki paidbah katwa ka sorkar Congress ka da kular ko yei wow leh wei lada em wa kylli ye ko pynyoo ya ki kaam wa dadep leh.
Da ong u leh wa ka Congress ym em jhan ko wow pynbna kyrtong neibhah em i por bha wow yang bar yow jhan.
Heiyatoh won wa chah pynbaad u ha ka BJP kam uwa baamtooh dooh u Montri Rangbah hapoh ka ri da ong u wa daw lai u katkam ka aiñ hei yatoh wa ini klam khlem yurim ka BJP.
“Nachwa jooh yoo phi wa boon kiwa wan uiñke suwari wa poi chapoh ka jylla heiwa katni hadooh wot tang i thaw sah leh ym yoh de. Ini ymtoh jia i du hapoh Shillong, kamjooh ha kiwi ki thaw iwa da wanrah leh ya i yoh kaam yoh jaam ya kiwa boon hapoh ka jylla. Ini waroh toh deiwa pynlut poisa ka sorkar wow chna ya ki sarok, ki yingkieñ wa kiwi kiwi.” Da ong u Dr. Mukul.
Hei yatoh won wa sah ki Scheme saam um kam ka Greater Raliang Water Supply kamjooh yong ka chnong Jowai, u Dr. Mukul da ong u wa emkaam na ki por cha ki wow pait cheiwon poi kini ki kaam wei ymtoh u yang hadooh wa yap ki, neitæ i daw ka sorkar da pynmih ko da ka Social Audit Bill ka wow pynkupbor leh ya ki paidbah wow kylli ki neiyi i daw wym ye u pyndep yei kreh heipor.
Discussion about this post