Ka Ministry of Home Affairs (MHA) ynne ka sngi da pynmih ko yaki kyndon wa thymme heiyatoh wow wai noh ki skur, ki College wa kiwi ki thaw puræ kam ki Coaching Institutions.
Yow wai yaki thaw puræ, da e bor haki sorkar jylla wow chim yaka rai hadien ka 15-10-20 deiwa wai kajiak chi por deiwa pynbait wa kiwa pynlai yaki thaw puræ.
Da pynchlur wow pteiñ yaki e sikai Online/Distance Learning wei ki khynnah wa kwah u pteiñ hi yei yoh yei sikai lyngba ka Online ye hi ki wow pteiñ yeini.
Ki khynnah ye ki wow wan cha ki thaw puræ tangwa ym toh deiwa pynbor wei ya kiwa wan cha skur toh u yoh bor naki bei ki pa deiwa e dei thoh.
Ki sorkar jylla u pynkhreh ki ya ki yong ki hi ki kyndon (SOP) hawa wai yaki skur kiwa toh u pynchong yurim hajrong ki SOP kiwa daw e daka Department of School Education and Literacy (DoSEL), Ministry of Education, Government of India, deiwa pyrkhat leh yei long i man i thaw wa em ki.
Ka Department of Higher Education (DHE), Ministry of Education ye ko wow chim ya i rai hajrong i por wa ye u wai yaki College/ Higher Education Institutions, deiwa yaklam chwa waka Ministry of Home Affairs (MHA).
Tangwa ki thaw puræ kiwa heh kyrdan namo ki Higher Education Institutions du neibynta ki Research Scholars (Ph.D) waki Post-Graduate kiwa puræ yaka Science and Technology kiwa emkaam yaki Laboratory u chah u wai ki nadooh ka 15-10-20.
Heiyatoh waki yalang paidbah
Kini kynthup yaki Social/academic/sports/entertainment/cultural/religious/political functions wa kiwi ki jait yalang kiwa da dep chwa u chah wow em 100 ngut ki bru du ha ki thaw wa em cha baar ki Containment Zone katwa nadooh ka 15-10-20 haki thaw wa em hapoh yung toh u chah u em bru 50% na iwa hoi u em bru kiwa ym toh u em palat 200 ngut ki bru deiwa bood yaki kyndon Social Distancing, u deiñ Mask wei wow pynemkaam yaki Hand Sanitizer lane deiwa booh yaki thaw sait-kti kiwa ym toh u hoi u dam kamjooh wow pynemkaam yaki tiar thaw chit kam ki Thermal Scanner.
Ha ki thaw wa em cha lait won toh iwa chong katkam wa heh i thaw deiwa bood yaka Social Distancing, u deiñ Mask, ki Hand Sanitizer waki Thermal Scanner.
Kiwi de ki kyndon toh wa ym chah wow pynman ya kawon kawon ka Lockdown haki chnong ki thaw lait noh hapoh ki Containment Zones khlem da yoh bor naka sorkar pyrdi.
Ym toh leh wow khang yei lai i wan hapoh ka jylla kamjooh cha kiwi ki jylla.
Hap wow syndong bha ya kitu kiwa em 65 snem chaneiñ wa kiwa em 10 snem chapoh, kiwa punkhon wa kitu kiwa da em chwa ya i chitom wei toh u neh ki hapoh yung lait noh heipor wa emkaam heiyatoh wa ki kaam i chait i khiah.
Da pynchlur leh wow pynemkaam yaka Aarogya Setu Mobile Application.
