Shillong: Ka sorkar jylla da dep e bor ko cha ki Superintendent of Police wa ki Deputy Commissioner yong waroh ki District wow pynchitom næ daiñ kuna ya kiwa chong chnong ki wym kohngooh ya iwa phah yong ka chnat i chait i khiah, khamtam wow deiñ yaki Mask wei wow kiar nei yajan para bru ha ki thaw paidbah.
Hawa klam ynne ka sngi, u symbood montri rangbah ka jylla, u Prestone Tynsong da ong u wa ka sorkar hadien wa da bichaar bniah ko, da yoo ko wa boon ki paidbah ym bna ki yaki kyndon wa da pynmih da ka chnat i chait ka khiah chibnai nachwa hajrong ka Social Distancing wa i deiñ Mask.
Da ong u wa ka sorkar da rai ko wow phah cha kiwa synchaar chnong, wa kynthup yaki synjuk synchaar chnong wa ki 7000 tylli ki Covid Management Committee, wa ki seiñ krehmon sñiawbha wow kyntu ya kiwa chong chnong wow pynrkhiñ ya ki kyndon neibynta wow yada na kiwon kiwon ki maa.
