Ampati: U Montri Rangbah ka jylla u Dr. Mukul Sangma ynnin da e u ki kattu katni ki buit ya kiwa seiñ khih chaphang ki laad ki luti wa ye u kyntu kynrong yei khih hapoh ka jylla. Yeini da klam u ha ka Chief Minister’s Entrepreneurs’ Conclave on Business & Enterprise Opportunities ha Ampati.
Ya kani ka yalang da pynman da ka Meghalaya Institute of Entrepreneurship (MIE) Shillong & Tura wa ka South West Garo Hills Basin Development Unit hapoh yong ka IBDLP, heiwa da wan embynta da ki spah ngut ki khynroo khyllood na ki san district ka ri-loom Garo.
Ha kani ka yalang da embynta ki bru chemphang kiwa da naam hapoh jylla kiwa da seiñ khih pyn dei yongki kam u Godfrey Arengh, Proprietor of Arengh Tea, Tura, u Vijay Byrsat, MD, Centre of Learning & Knowledge Services, u D. Majaw of Smokyfalls Tribe Coffee, ka Kerbhalin Diengdoh, Shabnam Mohan Raj of VASU (Weaving & Apparel making) uwa psan dakha u Haradhan Mahanta wa kiwi kiwi.
U Mukul da klam u ya ki laad seiñkhih kam ki karkhana, ki thaiñ that, ki kaam rep, wa kiwi kiwi heiwa da ong u emkaam wow wailaad ya ki khynroo khyllood kiwa seiñ pynda i yong ki hi.
Da kyntu u leh ya ki tnat waphær waphær wow yarap bha ya kiwa seiñkhih kam ha kiwa pynmih musla, kiwa rep ya ki jhoor, wa kiwi kiwi. Da pynche u leh chaphang ka yaaw rep syllah kawa joor i dawa hapoh jylla tangwa duna won kiwa rep wei da kyntu u ya ki tnat sorkar wow pait ya ki thaw wa miat wow ye ki u rep syllah.
Ha kani ka sngi da saam leh ya ki tiar thaiñ wa da chna da kiwa chah sikai da ka NEDFi, Guwahati wa ki tiar psan ngap kawa da chimkhia da ka sorkar wow sdang ya ka Apiculture Mission.
U Deputy Commissioner & Chairman BDU, Ampati, CVD Diengdoh wa u Director, MBDA/MBMA Western Zone, u Daniel J. Ingty da e klam ki ha kani ka sngi.
Ha kani ka sngi da yoh leh yei klam na u OSDs, MIE, Shillong H.P.Paul, u Dr. B. Lyngdoh, Abhijit Sharma of School of Livelihood & Rural Development, GM, DCIC Ampati, D.F.R Marak, wa kiwi kiwi.
Discussion about this post