Ka Khasi Students’ Union North Khasi Hills Eastern Border Area, ynne ka sngi hadien wa yoh ujor na ki paidbah wa em uwi u baar jylla uwa da kam ya idæ kam u Doctor uwa tip pyrtuid kam u Syed Nazir Shah wei da booh u ya ka Clinic wa khlem em ka Signboard wa ki kot ki sla wa biang wei kani ka thaw toh ha ka chnong Umraling kawa haap hapoh ka Mawlasnai Police Outpost.
Ka seiñ mar ya tip ko yeini da hiar ko wut-wut cha ka chnong Umraling hapoh i yahkhmat u Banjop Maring, President KSU Eastern Border Area wa u Augustin Shadap, Asst. Education Eastern Border Area heiwa da chem sakhiat wa em uni u baar jylla uwa da kam ya idæ kam u Doctor wei ha kani ka Clinic da e u leh ki Injection wa ki Drip ya ki paidbah kiwa wan chim dawai na kani ka thaw.
Ka seiñ da chem ko leh wa kani ka Clinic toh kawa jakhlia bha hawa pait yei kamra sumaar heiwa da chet da tu leh ha ka jooh ka kamra kawa tngit hadooh kattæ kattæ wei da khyrngiat leh wow chem wa wot ki thyrnia wa dadep pynemkaam da booh ha ka jooh ka kamra wei hawa kylli ya oo cheiwon noh u, da jubab u wa da e ha kiwa wan thied naar jæd tin jæd.
Kamtæ neiliang ka seiñ da lai e kti noh ko ya uni u baar jylla cha ka thanat yong ka Mawlasnai Outpost.
Ka seiñ da kyntu ko leh ya ki chnong wa kiwa yahkhmat chnong waphær waphær wym toh u e laad ya kam kini ki bru khamtam ha ki kaam wa yatoh wa ka yap ka im.
Uni u bru toh uwa lai puræ ha ka CMJ Univeristy, Meghalaya kawa da khang ka sorkar ha u snem 2014 neidaw wym em bood kyndon nadooh i rukom pynman Exam wei e Certificate.
Discussion about this post