Ka War Jaiñtia Student Union haka 24 tarik uni u bnai da e dorkhat ko cha u Montri Rangbah ka sorkar jylla, u Conrad Sangma wow pynsñiaw yeiwa emkaam wa dawa ha ka thaaiñ War Jaiñtia deiwa e kti lyngba ka Montri sorkar, ka Dr. Ampareen Lyngdoh.
Ha kani ka dorkhat ka seiñ da pynsñiaw ko ya kiwa boon ki phang wa kynthup nadooh i dawa wow pynyoh smat yaka District Industries Centre ha Amlarem khnang yow myntoi ki khynroo khyllood wa dooh khih dooh kreh yow ye ki u yieñ hei kjat yong idæ.
Yow pynku kyrdan cha ka State Dispensary yaka Muktapur Sub-Centre khang wa kiwa sah ha kitai ki thaaiñ khappood u yoh ki i chakri wa rap biang heiyatoh wei chait i khiah.
Wow pynheh ya u sarok na yingkieñ Dawki chadooh Tamabil yaka surok SJ2 cha ka Four Lane waka Service Road yow kyllooid i lai i wan.
Neitæ yow lai bait i rukom krehkaam u Sub-Divisional Medical & Health Officer, da dawa wow chna noh yaka yung krehkaam u SDM&HO ha Amlarem.
Da dawa yaka Coordination Committee hapyrdi ki BSF wa ki paidbah toh u booh ha man ki BSF Commandant Level neibhah i thmu ka sorkar u booh ha ophis SDO wym ye ko wanrah i yajan hapyrdi ki chipai waki paidbah.
Da dawa leh wow booh yaka Division PWD ha Amlarem.
Ka seiñ da e yumut ko leh wow pynkyrriah yaka yung krehkaam ka Agriculture wa Soil nei thaw wa em ko katni kamwa 1 Km i jngai naka Headquarter yong ka Amlarem Sub Division dei wow e noh ya katai ka thaw cha ka chnat Tourism yow chna Park katkam ka juk katni neibhah ka thaw man ko kawa biang neibynta u pynku ya ki kaam uiñke suwari.
Yow pynduna i chaniah naka phniang Petrol, ki sorkar ha kylleiñ ka pyrthai da pynchlur ki u pynemkaam yaki kari EV, kamtæ ka seiñ kyntu ko wow chna wut-wut yaka Leshka-II khnang yow yarap ko yei bor pynmih bordiñ yong ka jylla hi waroh kawi.
Da dawa leh yow wanrah yaka Multipurpose Stadium, kamjooh ka Multipurpose Indoor Stadium ha Amlarem neibhah ka thaaiñ War leh toh kawi kawa em i ye u pynmih yaki bru lehke Sport waphær waphær.
Ka seiñ da kyntu ko yaka sorkar wow paitbniah bha heiyatoh i chna yaki skur ha Pdengshakap wa ha Umladkhur yow man iwa smat dep.
Ka War Jaiñtia Student Union angnood ko leh u em jar jiar ka skur JNV yow yoh laad ki khynnah u pure ha ki Central Sponsored Educational Institutions.
Kyrpaad ko leh yaka sorkar u chna ko sa kawi ka Transit Point yong ka Dawki LCS ha chnong Muktapur neibynta i myntoi ka thaiñ ka jylla hi waroh kawi heiyatoh i chalan moochuni na Trangblang Syndai Limestone Belt.
Yow pynduna i khynnia kam ha sor Shillong wa ha Jowai, da kyntu yaka sorkar u chna ko yaka Amlarem Town Committee neibynta u wanrah i roi i paar ha ki bynta ka Headquarter ka Sub-Division, neibhah haka juk katni da boon kiwa kwah u im kam ha sor.
Da kdaw leh wa kiwa boon ki thaw pynlang um man ki kiwa duna, kamtæ da kyntu wow chna ki thaw pynlang um wa em hapoh khyndaw wa ki Dam yow yoh um kiwa chong wa sah wot chei thaw jrong loom.
Katkam ki kyndon ka PMGSY kyntu ko yaka sorkar u chna sarok ha soodong sookun ka Amlarem.
Yow pynku yaka Export-Import ha ki bynta mihsngi ka jylla, kyntu ko yaka sorkar u chna ko ki laad ki luti khnang wa kiwa embynta ha ini i kaam u yoh yachem ki man ki sngi ki por. Heiwa chisngi ha ICP India haka sngi wa bood won ha ICP Bangladesh.
Da yoo wa ha kiwi ki ICP wa pynlai da ka Land Port Authority of India man kawa biang bha nadooh i rukom chna. Kamtæ emkaam yaka sorkar u chna pynmiat pynbha yaki ICP kamwa leh lang kiwi wei u em leh ki thaw pynyieñ kari khamtam ki Truck.
Neitæ u kyruiñ khmat leh ka sorkar hei wow pynchna leh ya u sarok Amlarem-Pdengshakap wa Amlarem-Muktapur.
Kani toh katkam ka kyrwoh na u E. Langstang, Publicity Secretary ka War Jaiñtia Student Union.
Discussion about this post