U MLA warim ka Rongrara-Siju, u Rophul S. Marak da ujor u da ka FIR ha u Office In-Charge ka Nongalbibra Police Station, South Garo Hills haka 6 tarik uni u bnai ya kiwa tih wei kit mooyong pyrchah yaka aiñ.
Ha kani ka FIR da ong wa u mooyong wa dang tih thymme pyrchah yaka aiñ da lai noh ya oo ha ki thaaiñ Nongalbibra, Jadigttim, Ga’regittim, Darangdura wa kiwi ki thaw wa em chajan hanla da khang wow tih wei wow kit mooyong ha waroh kawi ka jylla da ka Supreme Court ka ri India wa kamjooh leh da ka High Court ka Meghalaya.
Da kdaw u leh wa dang em ki mukotduma PIL kiwa dang bichaar da ka High Court heiyatoh wa ini i kaam wa dang jia hadooh katni heiwa ya u mooyong dang pteiñ bait wow tih ya oo pyrchah yaka aiñ ha kylleiñ ka Meghalaya.
Kamtæ da ong u wa kini ki kaam pyrchah aiñ dang pteiñ hi ki khamtam ha ki thaaiñ Nongalbibra wa ki thaw wa em chajan wei ki pulit toh u takit ki wut-wut wei wow pynchitom ya ki bru kiwa leh ya kini ki kaam wow tih wei wow kit ya u mooyong pyrchah yaka aiñ.
Discussion about this post