Ka seiñ Jaiñtia Youth Federation (EJHD) lyngba ka wyrta na u President u John Pala (JYF-EJH) da e khublei Behdieñkhlam wasuk wakmen ko ya ka ki khon ka Raij Tuber kiwa chong wa sah ha kylleiñ ki thaw ka Ynñiawtrep Ynñiawskum.
“E e wa kani ka lehniam Behdieñkhlam u man ko kawa phooh wa phieñ wei kawa jop” da ong u Pala.
Ka seiñ da kyrmen ko wa lyngba kani ka lehniam wa chisien chi snem daw beh ko chisiendon ya kani ka kjut khlam COVID-19 na kani ka ri.
Ka seiñ JYF hi waroh kawi da kitbok kitrwiang ko ha waroh lang ki khon ki hajar yong ka Raij Tuber, wa lyngba kani ka lehkmen, lehburom daw yoh chiboon i kyrkhu kyrdoh na u Trekirot Kynrad khnang wow yoh yei chait i tram, i manbha manmiat ha i khih i khan, i puræ puthi, i chongsuk chongsaiñ ha ka imlang sahlang waroh kawi.
