theme-sticky-logo-alt
theme-logo-alt
Advertisement ad1

Ekhublei ka Seiñraij Jowai ya waroh wa pynphooh ya ka Behdieñkhlam

Advertisement ad1

Ka Seiñraij Jowai da e khublei wei da yaroh ko ya waroh kiwa da embynta wow pynphooh pynphieñ ya ka Lehniam Behdieṅkhlam 2022.

Ka seiñ da ekhublei kyrpang ko ya u Arjun Ram Meghwal, u montri khynnah ka sorkar pyrdi wa pait ya ka chnat Culture, wa ki sahep kani ka chnat kiwa da wan sakhi ya kani ka lehniam. Da yaroh leh ya u Satya Pal Malik, u lat ka jylla kamjooh u Conrad K. Sangma, u montri rangbah ka jylla kiwa da ekhublei ya ki paidbah.

Chooh chooh da ekhublei kyrpang leh ya u Sanjib Banerjee, Chief Justice ka Meghalaya High Court wa da wan sakhi ya kani ka Behdieñkhlam, ya u Metbah Lyngdoh uwa man u lamphang ka yung dorbar chna aiñ ka jylla kamjooh ya u Sanbor Shullai, u montri ka chnat Arts and Culture, wa u Kyrmen Shylla, u montri ka chnat Social Welfare kiwa da wan embynta ha kani ka lehniam.

Heijooh i por da ekhublei ya ka R.V Suchiang, ka Chief Secretary ka jylla wa u Dr. Lajja Ram Bishnoi, Director General of Police wa da wan emlang ki ha kani ka Behdieñkhlam.

Da ekhublei ko leh ya ka chnat Arts & Culture Department, Planning Department, Tourism Department, ka North Eastern Council, u Deputy Commissioner wa u Superintendent of Police ka West Jaiñtia Hills District kiwa da kreh chitom wow pyllai bait ya kani ka lehniam.

Da ekhublei leh ya ka Jowai Municipal Board, PHE Department, PWD Department, MeECL wa kiwi ki chnat kiwa da embynta wow pynmiat ya kani ka Behdieñkhlam yong uni u snem kamjooh ya kiwa pathai khubor kiwa daw rah ya ka wyrta cha kylleiñ ka pyrthai.

Ka Seiñraij Jowai dap ko dei sñiawngooh ya ki Soo Langdoh ka Elaka Jowai, ka Seng Khasi Seng Kmie wa ki Seiñraij wa ki Dorbar Chnong waphær waphær kiwa da pynphooh sakhiat ya kani ka lehniam.

Yooluti wa kani ka Behdieñkhlam u wanrah ko ya i chongsuk, i roi i paar ya waroh.

Advertisement ad1
Share this:
Previous

Ekhublei u Bill Gates ya u Modi hajrong i e 200 klur i tika yada COVID-19

Next

E Khublei Behdieñkhlam ka JYF-EJH ya ki khon ka Raij Tuber