theme-sticky-logo-alt
theme-logo-alt
Advertisement ad1

E khublei Behdieñkhlam ka Seiñ Kyntu Seiñ Raij 12-Daloi ya ka Raij Muthlong, Ialong waka Mukhla

Ka Seiñ Kyntu Seiñ Raij 12-Daloi da e khublei wei kitbok kitrwiang Behdiñkhlam wasuk wa kmen ya ki khon ka Seiñ Raij Muthlong kiwa chong wa sah kylleiñ ka bri u Ynñiawtrep Ynñiawskum, wa kani ka leh niam ya ka Behdieñkhlam kawa ki khon ki hajar ka Seiñ Raij Muthlong u man ko kawa phooh wa phieñ wa kawa jop khnang yow yoh ki yei chait i khiah wei wow bha ka kamai kajih wa ka puræ puthi wa lyngba ini i leh niam kawa chisien chi snem kamwa jooh leh ki manchwa longchwa wa ha kani ka kynti leh lyngba ini i leh niam u beh noh chi syndon ya kani ka khlam COVID-19 na kani ka ri wa ka jylla wa kyntang yong i.

Kamtæ ka Seiñ Kyntu Seiñ Raij 12-Daloi da kyrpaad ko ya waroh ki khon ka Seiñ Raij Muthlong wow man ki kiwa Tip Bru wow im Tip Blai khnang wa ini i pyndep ya ka leh niam Behdieñkhlam hapoh kini ki 4 sngi 3 yaw u man ki kiwa jop wa kiwa phooh wa phieñ.

Kani ka leh niam Behdieñkhlam u sdang ya ka nadooh ka 02-08-2021 wei ka wow kut ha ka 05-08-2021 ha ka Biar ka Seiñ Raij Muthlong.

Kamtæ ha i jooh i por leh ka Seiñ Kyntu Seiñ Raij 12-Daloi da e khublei Behdieñkhlam ko leh ya kiwi de ki chnat Seiñ Raij kiwa daw pynman ya ka Behdeiñkhlam ha uni u jooh hi u bnai, kitæ ka Seiñ Raij Ialong kawa daw pynman ya ka leh niam Behdieñkhlam ha ka 12-08-2021 wa ya ka Seiñ Raij Mukhla kawa daw pynman ya ka leh niam Behdieñkhlam yong ka ha ka 20-08-2021. Kamtæ ka Seiñ Kyntu Seiñ Raij 12-Daloi da kitbok kitrwiang ko leh ya kini ki ar Seiñ Raij wa kani ka leh niam Behdieñkhlam yong ki u man ko kawa jop wa kawa phooh wa phieñ.

Ini man ko katkam i pynlait khubor u Standbyme Sari, Publicity Secretary ka Seiñ Kyntu Seiñ Rai 12-Daloi.

Share this:
Previous

Kiwa chah ktah ha ka khlam em ki san chah ya iwa pynyoo ka sorkar: Dr. Mukul

Next

Paitbniah ki pulit yei mih i pyrchah wa ym toh u pynthut yei suk i saaiñ: Lahkmen