Ka President ka India, ka Droupadi Murmu da phah ko ya ka khubor e khublei Easter ko cha waroh kiwa chong chnong ka ri ynne ka sngi chwa u poi ka sngi Easter.
Neiliang ka President da ong ko, “Ha kani ka por Easter wa kyntang, e khublei O ya waroh kiwa chong chnong ka ri India kamjooh kiwa em cha baar ka ri khamtam ya ki para wa ngait Christan.”
Ha ini i kynmoo warom yei khai im biang u Jisu Christ, man ko leh i dak maya wei wow em i sñiaw para bru. U Jisu Christ da yalap u wow maya wei wow maap ya kiwi deiwa e yei mynsien u neibynta i hok. Ki dak kjat u toh ki nongmuna ya i wow em yei mynsien wyrai wei wow e lut ya waroh neibynta i bha i miat.
To u ya pynpoor i yei maya wei yei im dei suk dei saaiñ ha ka imlang sahlang deiwa bood yeiwa da pynyoo u Jisu Christ wei wow chim leh ya ka kular wow ya krehlang neibynta i roi i paar ka ri waroh kawi, pynkut i e khublei ka President.
