Jowai: Ka chnong Mookhep lyngba ka khubor na u Secretary chnong, u Francis Dkhar da ong u wa kam ka chnong da sñiawngooh ko ya ka seiñ Jaiñtia Students Movement (JSM) wa da e yarap ko da u khoo cha ki paidbah ka chnong ynne ka sngi 23 tarik.
Kam kiwa kitkaam ka chnong Mookhep ha kam kini ki por wa em i khang chnong namo ka Lockdown wow yakhun pyrchah ya u COVID-19 chiboon ki bru kiwa da chah ktah wei kam ha kini ki por da mih kini ki seiñbhalang kiwa kyruiñ cha ka chnong wow pyndap yeiwa emkaam.
Neiliang ka chnong da kitbok ko ya kiwa kitkaam ka seiñ nadooh u President, u Leningstar Rymbai wa kiwi kiwi kiwa kitkaam wa ki dkhot yong ka wow man ki kiwa khlan.
Discussion about this post