Shillong: Ka sorkar jylla ynne ka sngi da rai ko wow pynlait noh wer pa wer ya ki rukom krehkaam ha ka jylla ya iwa da pyntip leh cha ki Deputy Commissioner District, deiwa da hukum leh wow bood ki ya ki kyndon wow yada na u COVID-19.
Hawa pyntip yeini, u Symbood Montri Rangbah, u Prestone Tynsong da pyntip u wa ka sorkar da rai ko wow wai wei wow elaaad noh wow sdang ya ki kaam, kam i kreh chna sarok, ki yung ki sem, kamjooh leh ki kaam wa da seiñ da i bor samen kam i chna ya ki tiar, wa yatoh wa ka Information Technology, kiwa chna light, kiwa chna kor um, ki mistri wa ki mechanic.
Da ong u leh wa neibynta ki paar moo wa ki chyiap leh da chah nadooh mynstep ka sngi tangwa emkaam wow pynemkaam ya kini ki mar hapoh ka jylla wei ymtoh wow challan cha baar jylla.
U Prestone da ong u leh wa hanlada da pynlait ka sorkar ya kini ki kreh tangwa ki paidbah emkaam ki wow bood ya ki kyndon ka chnat i chait i khiah wa ki DC.
Heijooh i por u Prestone da pyntip u wa ki dukan dukdoh wa yatoh wa kini ki kaam khamtam wow pynlai næ yarap ya ki wakreh ya kini ki kaam ye ki u man kiwa wai.
Chooh chooh da ong u wa ki karkhana khyndaw-bilat ha ka jylla leh ye ki wow sdang kreh biang tangwa wow pynpoi ya i khyndaw-bilat emkaam wow yoh Pass wa kyrpang ki na ki DC, neibhah ympu pynlait yei lai i wan cha kiwi tawon ki District.
Da pyntip u leh wa kiwa khih mylla wa neh ha Shillong ye ki wow sdang kreh tangwa ymye ki wow lai cha kiwi ki District.
Discussion about this post