15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

E khublei ka chnong Mookhep yaka MPUF yei e yarap ko da u khoo

Advertisement ad1
Advertisement ad1
Advertisement ad1

Ka chnong Mookhep da e khublei ko ya ka MPUF wa da e yarap ko da u khoo cha ki 15 tylli ki manyung wa dooh deiwa e mar 25 kg u khoo.

Ka chnong da e khublei kyrpang ko yaka seiñ hapoh i yahkhmat u President yong ka u Kyrshan Blah deilang wa ki dkhot yong ka hapoh ka East Jaiñtia Hills District kiwa da e ya ini i yarap ynne ka 20 tarik.

Advertisement ad1

Hachwa wow saam ya u khoo da pynman yaka yalang wa tbian heiwa da yoh yei klam na u Secretary chnong u Francis Dkhar uwa da e khublei kitbok kitrwiang yaka seiñ MPUF ha i yahkhmat u Kyrshan Blah uwa da pdiang sñiawbha yei kyrpaad u Secretary chnong kam ha kini ki por wa chah ban haka khlam COVID-19 heiwa boon ki bru ym yoh de ki wow lai mylla sngi kiwa khih dei sngi wei baam dei miet.

Da pynsñiaw u leh yei sñiawngooh wa khroo ya ka seiñ MPUF kawa pait sakhiat ya ki sem chiliang kup chiliang deiwa kitbok yaka seiñ yow ye ko u pteiñ u pait ya ka ri waka jaitbru wei wow lai ko chakhmat wei da e leh i kyrchaan ya kani ka señn lada em heiwon heiwon i bynta.

Da e kyrkhu kyrdoh leh wa u Blai kynrad u emlang u chirup wa ka seiñ yow yoh ki dkhot yei doh i pran wa chait wa khiah khnang yow ye chooh chooh ki u chakri ya ka ri wa ka jaitbru, pynkut ka kyrwoh na u Francis Dkhar, Secretary Chong Mookhep.

Share this:
Previous

500 ngut kiwa dang yoh wa 13 ngut kiwa yap na u COVID-19 ha Meghalaya

Next

Pynku syndet ka sorkar ar chah ka bai bordiñ: JSU