15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynku syndet ka sorkar ar chah ka bai bordiñ: JSU

Advertisement ad1
Advertisement ad1

Ka seiñ JSU hadien wa ood wa naam u paidbah ka jylla khamtam kiwa na ka manyung wa dooh kiwa taan bordiñ na ka Scheme BPL wa da ku syndet ka bai bordiñ ha kini ki kajiak bnai. Neiliang ka seiñ hadien wa da tih bniah ya i daw tre ya ini i ku syndet ka bai bordiñ, da chem toh neidaw wa ka sorkar da pynku ko ya i dor bai bordiñ ha waroh kawi ka jylla nadooh u bnai April 2021 (Electricity Distribution Tariff-April 2021) wei ini i leh ka sorkar da pynkulmar lut ko ya ki paidbah ha waroh kawi ka jylla.

Boon ki manyung da kulmar yumut ki wei da chrai ki ya ini i leh ka sorkar wow pynku dor yaka bai bordiñ khlem da pyntip næ pynsñiawthooh paidbah hachwa wow pynku yaka bai bordiñ, da ong ka seiñ.

Ka seiñ hadien wa da pait bniah ko ya ki bai bordiñ yong ki paidbah kiwa boon, da chem wa kini ki bai bordiñ toh kiwa da em bai bordiñ kawa dang sah ram kawa da thoh “Previous Balance” lane ka “Outstanding Bill” hanla ki bru da dep su tikna ki ya ka bai bordiñ man-u-bnai wei katni ki paidbah hap ki wow su ar chah chi bnai na iwa jooh su neibhah wa ka sorkar da pynku ko yei dor na T. 3.70 cha i dor T. 4.00 hapoh ka 100 Unit i pynemkaam ya i bordiñ ha yung, T. 4.20 cha ka T. 4.40 neibynta kiwa pynemkaam 100 Unit chaneiñ, T. 5.70 cha ka T. 6.00 neibynta kiwa pynemkaam 200 Unit chaneiñ wei ini i pynku dor man ko T. 0.80 na i dor warim.

Kamtæ ka seiñ da ong ko wa lada kheiñ won ya i ku ka bai bordiñ da man ko ar chah neibhah ki paidbah hap ki wow su ha ki dor wa thymme wei ini da booh ko hei eh yaki manyung wa dooh wa duk neibhah wa boon kiwa pynemkaam 100 Unit chaneiñ ka bordiñ.

Ini da pynman ko wa ki yung wa toh u su T. 583 haka 125 Unit, katni da hap ki wow su hadooh T. 988 ha ka chi bnai wei ini i kheiñ bai bordiñ ym biang i wei ki paidbah leh ym che ki yei rukom kheiñ ka chnat MeECL wei da yoo la kamwa da chim kabu ya ki paidbah.

Share this:
Previous

E khublei ka chnong Mookhep yaka MPUF yei e yarap ko da u khoo

Next

Angnood ka FKJGP-EJH wow wai ka sorkar ya ka Sub Centre wa em ha Kuliang