Ka seiñ kiwa kreh ka JHADC kawa tip kam ka Jaiñtia Hills Autonomous District Council Staff Association (JHADCSA) hadien wa mih khubor wa da pynlait Rs. 30 klur ka bhah ka Council na ka dan wa yoh na u mooyong da ka sorkar jylla yow ye noh u su tulop.
Neiliang ka seiñ da e khublei nongkong ko ya ka Meghalaya High Court yei kitkhlieh ko wow chimkhia wow chim yei bichaar wa hok heiwa da ye ko wow wanrah yei ya phyllu yumut wei wow pynbait yei yukheiñ yukdiah hapyrdi ka sorkar jylla waka JHADC, heiwa ka sorkar jylla da ye ko wow pynlait ya ka bhah poisa yong ka Council.
Hajrong ini, da e burom leh ya u Montri Rangbah ka jylla wa ka Executive Committee yong u Thombor Shiwat kam u CEM kiwa da yaleh chitom wow kynchew wei pyrchang pynbait wei pynkhooid ya ka tulop kiwa kreh ka JHADC.
Da kyrmen skem leh wa neini chakhmat ka sorkar jylla u sñiawbha ko wow pynlait smat yei bhah poisa wa dang sah yong ka Council khnang wa kiwa kreh ym yap thngan ki wei ym chem chitom ki ha ki bynta yong waroh iwa emkaam ki yow im.
Puræ leh: Pynlait ka sorkar Rs.30 klur ka bhah poisa ka JHADC
Discussion about this post