E khublei u Conrad ya ki 7 ngut ki MLA ka NPP wa da jop ha Manipur 

U National President ka seiñ National People’s Party (NPP) uwa man leh u Montri Rangbah ka jylla da e khublei u ya ki 7 ngut ki MLA ka Party kiaw da jop ha ka Election wa 12 cha ka Manipur Legislative Assembly ynne ka sngi.

Da ngait skem u wa ki MLA ka NPP daw kreh bha ki neibynta ki paidbah ka jylla Manipur.

U Conrad da ong u wa ka NPP da pdiang ko ya ini i rai ki paidbah wei da e khublei u ya ki wakreh ka Party, ki chnat kynthai wa kamjooh ka chnat khynroo ka Party wa da kreh ki hadooh wa poi ha ka thong.

Chooh chooh da ong u wa ki kaam ka NPP ha Manipur da ku bha i na ka Election MLA ha u 2017 ha Manipur wei ini da pynyoo i yei chaniah ki paidbah ya ka NPP kam ka Party ka wow kreh neibynta ki jylla ka thaaiñ mihsngi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Neiliang ka NPP da e khublei ko leh ya ka BJP yei jop yong ka.

Ynne ka sngi kawa man leh ka sngi niaw Vote ha Manipur, ka BJP da jop ko 32 tylli katwa ka NPP da yoh wa ar ko deiwa jop 7 tylli na ki 60 tylli iwa mut wa ka BJP daw wan biang ko hei bor.