E khublei u Wailad ya u Ardent yei e bhah u ya ki baar jylla hapoh ka Reservation Constieuncy

U MLA ka Jowai, u Wailadmiki Shylla hei miet ka 9 tarik ha ka yalang paidbah ka NPP West Jaiñtia Hills ha Yungwalieh ka Dorbar Chnong Dulong heiyatoh waka Election MP, da ong u wa nadooh wa hadien wa tba u President ka VPP, u Ardent Basaiawmoit yaka Reservation Policy da ktah joor bha i ya ki paidbah ka Jowai.

Da pynkynmoo u wa mar 40% ya ki Khasi Jaiñtia wa Garo, 15% ya ki General wa 5% ki OBC heiwa da ong u wa nachwa 40% da yoh bait ki Khasi Jaiñtia neitæ ka 15% wa 5% leh wa da yoh bait ki Khasi Jaiñtia wei khamtam ki Jaiñtia wa yoh bhah neidaw wa kreh chitom ki wei hajrong itæ ka bhah wa ymye ki Garo u pyndap da yoh biang ki Khasi Jaiñtia.

Hajrong ini, u Wailadmiki da e khublei u ya u President ka VPP wa pynjohkhe wei uwa wai luti ya kiwi ki jaitbru yow tip ki wa em kani ka bhah yoh kreh yong ki hapoh ka sorkar jylla wei lada kyntait ya ki yeini daw lai ki cha yung kasari.

Da ong u leh wa uni u President ka VPP khlem sylli bniah da tba u ya kani ka phang iwa man kamwa pakhot moo ya ka ksiñ ngap wei pyn ki khynroo wa chaad ha kani ka Party da chah kynthah ki ha ki ngap na kani ka ksiñ. 

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

U Wailadmiki da kyntu u leh ya ki manbei manpa wow sneiñ ya ki khon yong ki wow sñiawthooh ki wa ymtoh u chah yah bakla ki khon ki.

Chooh chooh u Wailadmiki da beiñ u leh ya ka VPP heiwa katkam ka Manifesto yong ka kwah ko wow paan noh ya ka Article 371 iwa mut wow pyndooh noh ya ki District Council wei ini daw tynyap i ya ka dustur riti ka jaitbru.

Heijooh i por da ong u wa u President ka VPP da rah u ya ka Resolution ha Assembly wei da klam pyrthai heiwa kam ka jaitbru u e jait noh cha u pa, wei yeini da ong u Wailadmiki wa man iwa sarong ya u chynrang wow yoh jait ki khon cha u pa tangwa cheiwon u poi ka jaitbru manda chongkha para kur kamwa da leh ya ki khon u President ka VPP wa kamjooh i chimkur u kyrtong MP ka Party VPP, u Dr. R. Syngkon na u pa u.

Da ong u leh wa ka Dr. Ampareen da man ko kam ka MLA la soo samoi wei da chah jied ko la san sien tangwa u MP wa katni pyn ha ka Election MLA leh da rem u wei u kyrtong ka VPP leh da rem u ha ka Election MLA kawa dang dep.

Hajrong ini waroh da kyntu u ya ki paidbah wow kyrchaan ya ka manbei deiwa jied ya ka Dr. Ampareen kam ka MP neibhah wa sñiawthooh ko kam ka manbei wow chakri ya ka yung kamjooh leh ha ka imlang sahlang.