E khublei wei kitbok ka JHLPSTA ya u Wailadmiki Shylla ha ka Election 2023

Ka Jaiñtia Hills Lower Primary School Teacher’s Association (JHLPSTA) kawa man ka seiñ kiwa sikai skur Lower Primary, kawa em ka yung krehkaam ha Soomer Mihmyntdu, toh ka seiñ wa pait ya i bha i miat kiwa sikai ya kawa da sdang nadooh u snem 1981.

Neiliang ka seiñ da khana ko wa chem ko chiboon i eh i khor hawa pynlai ya ki kaam yong ka khamtam hawa mut wow pynman ya ki yalang wow pyrkhat kammon wow wanrah ya i bha wei ka seiñ ym em ko ya ka yung krehkaam wa ka yung dorbar wa pura wei da pyrchang kammon wow thied noh ya i thaw deiwa pynlang poisa khnang wow chna ya kini ki yung wow pynman yalang neibhah deiwa leh kamni da ye wow thied ya i thaw pyn ha Soomer Mihmyntdu.

Hajrong ini waroh da sdang wow chna ya i yung ha ini i thaw deiwa tei ya ki chrot wa ki Beam wa ka Slab. Neida wa joor i lut, ka seiñ leh ym yohsa ko wow kyruiñ cha ki lok ki jor wa kiwa mihkhmat (MP, MLA, MDC) wa kiwi kiwi.

Ha kani ka kynti ka 13 tarik da man ko ka sngi ka wow sah kynmoo heiwa da man ka yalang ha High Winds Hotel, Thadlaskein, West Jaiñtia Hills heiwa u MLA ka Jowai, u Wailadmiki Shylla da e yarap u da ka Work Order wa T. 2 lak neibynta u chna ya kani ka yung krehkaam ka seiñ.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha kani ka sngi u Wailadmiki Shylla da e kti u ya kani ka Work Order ha ka General Secretary ka seiñ, ka Serinda Rymbai heiwa da emlang leh u President ka seiñ, u Lukas Jat wa ka Secretary Building ka Theodosia Pyrtuh.

Hajrong ini, ka seiñ dap ko dei sñiawngooh wa khroo ya u Wailadmiki Shylla wa da e kyllooid mynsien u ya ka seiñ wei da kitbok leh wow man u uwa chait wa tram wei wow wan biang u ha uni u snem 2023 kam u MLA ka 2-Jowai Assembly Constituency khnang wow ye u chakri wei lehbha ya ka Constituency wa ka jylla waroh kawi.

Chooh chooh neiliang ka seiñ kyrmen ko wa kiwi kiwa mihkhmat leh u kyruiñ wei wow yarap ya ka seiñ khnang wow ye u pyndep ya i kreh ya ini i yung wei wow ye u pynemkaam noh ya ka neibhah boonsien ka seiñ da hap chimwai ko da ki Hall yong kiwi.

Ka seiñ da pyntip ko wa neilang u MP ka Lok Sabha, u Vincent H. Pala da e yarap u hadooh T. 3.20 lak heiyatoh wa ini i kaam.