Ka UDP Jowai Circle ha ka 7 tarik uni u bnai hapoh i yahkhmat kiwa yahkhmat ka Party nadooh u Moonlight Pariat, President UDP West Jaiñtia uwa man leh u kyrtong ka Party na ka 2-Jowai Constituency, u Kitboklang Nongtdu, President ka UDP Jowai Circle wa kiwi de kiwa yahkhmat ka Party da wan ki wow pynskem ya kiwa ksoh kaam ka UDP Madur Primary Unit wei wow pynpsiah dkhot cha ka Party UDP napoh ka chnong Madur hapoh ka Enrollment Drive Mission yong ka UDP Jowai Circle neibynta wow pynkhlan ya ka Party ha ka Jowai Constituency.
Kiwa ksoh kaam hapoh ka chnong Madur man ki kamni ha wah:
- President- Shimpor Langshiang
- Vice President- Tei Ryngkhlem
- Secretary- Bormi Dkhar
- Assistant Secretary- Heibor Slong
- Advisor- Esaid Siangshai
Da jied leh kamwa 20 ngut ki Executive Member.
Ha kani ka janmiet da yoh yei klam e mynsien wei pynche ya ka yurim ka Party na ki waheh ka Party heiwa u Moonlight Pariat hei klam i yong oo da ong u wa kiwa ksoh kaam toh u man phi ki bru kiwa skem wei wow man phi kam ki chipai ka Party wow kreh bha phi wow pyntikna wa ka Party UDP u yoh ko yei tam hapoh kani ka chnong Madur.
Neiliang u Kitboklang da kyntu u wa toh u man kiwa stat wow jied ya uwa mihkhmat dei wow pait wow bichaar i ya u bru uwa da ih i pyrkhat pyrdaiñ wei wa da kyntu u wow jied ya u kyrtong ka UDP kamwa ka Party da dep bichaar ko hachwa wow e Ticket.
Da yoh leh yei klam tbian na u Allwyn Laloo, u Baitlang Pohsngap, u Sanbok Rymbai wa kiwi kiwi.
Ha kani ka dorbar ka UDP da wan wow e kyrchaan ya ka UDP nadooh u Waheh Chnong, u Esaid Siangshai, u Asst. Waheh Chnong, u Shimpor Langshiang wei da wan leh wow psiah cha ka Party kamwa 247 ngut kiwa chong chnong ka Madur.
