15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

E lad sa chisien u thap pyrtuit hapoh ka Socio Economic Survey 2011

0 Comments

Jowai: Ka ophis iong u SDO (Supply), Amlarem Sub-Division da pynbna paidbah ko wa katkam ka hukum iong ka sorkar Meghalaya da e lad sa chisien ia kitu ki paidbah kiwa ym pu em pynpsiah pyrtuit ha ka Socio Economic Survey 2011 ia kawa da dep e ha waroh ki Fair Price Shop (FPS) Dealers iong ka Amlarem Sub-Division wa ye ki u e ia ki pytruit ki lyngba ki FPS Dealers ha ki chnong iong ki.

Lada em kiwa mih pyrtuit ha katai ka survey kiwa artatien wa ymtoh de u em i pyrtuit ki heitai neidaw wa ki da biang ka ioh ka kot ki, ye ki u pyndooh noh ia i pyrtuit iow elad ia kiwi u psiah ha katai ka survey dei wa ioh u pyndam noh ia i pyrtuit iong ki ha ka nongrim wa biang.

Ha ijooh i por lada em (1) I bakla hei iatoh wa u lane ka khlieh iong ka yung. (2) Kiwa mih pyrtuit arsien lane le sien. (3) Kitu kiwa bakla pyrtuit. (4) Kiwa ki dkhot iong ka yung mih pyrtuit ki cha kiwi won ki yung, ye ki u pynbeit noh iow man noh kani ka survey kawa biang wei kawa ym em de i bakla, kawa (5) Iow pam noh ia ki pyrtuit iong kitu wa ym em de u chong chnong ha chnong iong ki lani kiwa da kynriah chnong.

I por da booh da ka sorkar iow pyndep ia itai waroh toh nadooh 28 tarik September 2015 hadooh ka 7 tarik October 2015 ha ki chnong wa ki dukan FPS wa em haki.

Ka Public Hearing iow pynbeit khatdooh ia kiwa u pynpsiah pyrtuit wei u sainoh ia kiwa wym em hok u em pyrtuit daw pynman ha ka ophis iong u SDO (Supply) Amlarem nadooh ka 8 tarik October 2015 hadooh ka 16 tarik October 2015 nadooh ka por 10:30 i step hadooh ka 4:00 waje janmiet ha ki sngi wa man ophis.

Ka pynkhreh ia ki pyrtuit wa paka wa kawa khatdooh iong ka National food Security Act 2013 daw pynman ha ka 19.10.2015. Ia kini ki pyrtuit wa khatdooh u phah cha ki bor wa toh u chim ia ki ha ka 21.10.2015.

Previous
Next

0 Comments

Leave a Reply