E mukotduma u bru samen, heithaw ki bor ka sorkar

Jowai : Katkam ka khubor wa tikna wa da yoh u Wyrta, da ong wa uwi u ma Sajay Laloo da ujor u da ka Special Leave Petition pyrchah ya ka hukum (directions/orders) wa da pynmih da u Chief Justice warim ka Meghalya High Court ka Uma Nath Singh kawa da chong niah ha u Duyatra 2016 wa u Justice warim u T.N.K. Singh uwa da chong ha ka 1 Thohlakhmi yong uni u snem.

Ha kani ka hukum wa da pynmih da phah ya ki bor ka sorkar wow e bor yada sonteri (security) katkam ka Z-Category Security ya ki (pyn ar ngut) waroh chi rta wat hadien wa da chong ngiah ki.

Da hukum ki leh wow booh ya ki kyndon aiñ kiwa sariem wa ka yong ka sorkar ka jylla Sikkim hei wow pynman ya ki kam ki  State Guests wei wow pynbiang thaw sah ya ki ha ki thaw næ ki sorbah wa em yung krehkaam ka jylla wei da maham ki wa lada ym bood ya kani ka hukum daw chah pynchitom ki heh ka sorkar.

Ya kani ka mukotduma da e ha ka Yungbichaar wa khlieh dooh ka ri, ka Supreme Court heiwa da chong bichaar da u Chief Justice, Justice Chandrachud wa u Justice Khanwilkar.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Kani da rai pynmih ka Chief Justice Uma Nath Singh wa u Justice T.N.K. Singh hadien wa e ya hukum ha ka 27 Naisan 2015 wow pyndam ya waroh ki jait yakhih kam i khang chnong (bandh) iwa ktah yei lai i wan ki paidbah kiwa jooh khut da ki seiñbhalang, wa ka seiñ HNLC wa ka GNLA wa kiwi kiwi.

Hadien wa mih kani ka hukum ha ka 27 Naisan 2015 da booh ko yei mynsien ki Chief Justice wa ki Judge ka High Court ka Meghalaya he maa neibhah wa em ki seiñ rah suloi kam ka HNLC, ka GNLA wa kiwi kiwi kiwa da pynhaap kyrdan ya ki kamki Unlawful Association wei da ong wa kam ha ri-loom Garo leh da pyrkhat wow pynkrehkaam da ka aiñ AFSPA neidaw ki kaam ki seiñ rah suloi wa boonjait.

Hei yatoh wa ka Special Leave Petition, ynne ka sngi da hukum ka Supreme Court ya ka Sorkar Jylla wow sylli (assess) ki yei maa i mynsien ki Chief Justice wa ki Judge ka High Court hapoh Meghalaya.

Daw chong bichaar biang ka Supreme Court hei yatoh weini ha ka 5 Naikhynde 2016.

Da kynnoh wa ka yung bichaar ka Meghalaya High Court da pynemkaam bakla ko yei bor yong ka.

Ka Supreme Court da kylli ko leh yei daw wa haap da u bru samen wow chimkhia yeini heithaw wow leh da ka sorkar jylla.

U ma Laloo da ong u wa lada e laad wow yoh ki ya ka Z-Category Security, wei wow pynman ya ki kam ki State Guests, ini daw ktah bha i ya ka kata poisa ka sorkar jylla khamtam ki paidbah.