theme-sticky-logo-alt
theme-logo-alt
Advertisement ad1
Advertisement ad1

Mar T. 5 lak u yoh ki 100 tylli ki chnong kiwa smat wow e tika 100%

Advertisement ad1
Advertisement ad1

U Chief Secretary ka jylla Meghalaya u MS Rao da pyntip u ynne ka sngi wa kam chibynta wow pynjoor ya ki laad kiwa da dep chim da ka sorkar wow yada nei poor ka khlam COVID-19 kamjooh yow tipmit leh ya ki kaam wa leh da ki chnong ki thaw ha ka yaleh pyrchah ya ka khlam.

Kamtæ yow pynchlur ya ki kaam wa bha neibynta ka imlang sahlang, u Lat ka jylla da pynmih hukum u wa deiwa ya krehlang waka MGNREGA, kiwa nyngkong dooh ki 100 tylli ki chnong wa khian (Village) kiwa em hapoh ka jylla kiwa ye wow pyndep 100% i e tika ya waroh kiwa da toh hok wow yoh kiwa da em 18 snem wa chaneiñ, daw yoh ki mar T. 5 lak kawi ka chnong lyngba ka Meghalaya Basin Development Authority (MBDA) heiwa ya kani ka poisa u pynemkaam yow pynkreh ya kiwon kiwon ki kaam pynroi hapoh ka chnong katkam wa jied da ka chnong.

Advertisement ad1

Ya ki chnong wa da dep wow poi cha kani ka thong iwa da pyntikna da ka chnat Health & Family Welfare, daw pynkupburom ya ki ha kani ka lehkmen Independence Day 2021 ha ki jar jiar ki District/Sub-Division.

Share this:
Previous

Da i naam Crystal Gayle Award-2021 yoh u khynroo na Jowai

Next

E por ka JAC ka Ri-loom Jaiñtia chi tayaw wow pynbait noh ya i kaam noh-jhep ha Jowai