Ka Jaiñtia Students’ Movement (JSM), Eastern Region da lai booh dorkhat ko ha u Project Director, NHAI (PUI) Shillong lyngba ka yung krehkaam u DC ka East Jaiñtia Hills District hadien wa da dep wow lai jngieh dei khmat yei sih iwa da cha palatpood u sarokbah NH-6 nadooh Chohchrieh chadooh Malidor.
Ka JSM da pynkynmoo ko wa du hapoh Ri-loom Jaiñtia da e mar tylli ki Toll Plaza kiwa jngai hapoh 60 Km kawi na kawi kiwa da krehkaam waroh 24 kynta wow chim dan bai lai bai wan na waroh ki kari wa lai luti na uni u sarok, kamtæ da kylli wa kammon da chim dan khlem da pynchna ya u sarok wei cheiwon lai kani ka poisa.
Kamtæ neiliang ka seiñ JSM da e por ko chi bnai ya ka NHAI yow chna ya uni u sarok wei lada ym leh iyi iyi daw chim da kawi won ka luti yow dawa yei hok kam ki bru wa kiwa chong chnong.
Ha iwi won i liang, ka JSM da dawa ko na u Deputy Commissioner wow booh da ka Notice Board ha DTO Office, Khliehriat ryngkat wa i dor wow yaleh ki kot ki sla kari, u pynchna ya u sarok Ladrymbai Bypass, wow booh ya ka Rehabilitation Center kawa krehkaam yow yarap ya kitu kiwa da chah kdoh chah khoom hei pynemkaam drugs wa kiwi ki jait pynmuaid.
Neiliang u DC da kular u wow chimkhia yeini.
Discussion about this post